రాంచరణ్ బ్రూస్ లీగా ఎంట్రీ ఇస్తాడా?

Posted: 05/15/2015 04:08 PM IST

మెగాపవర్ స్టార్ రాంచరణ్ కొత్త సినిమాకు రకరకాల టైటిల్స్ వినిపిస్తున్నాయి. చరణ్ చాలా కాలం గ్యాప్ తీసుకొని, శ్రీనువైట్ల దర్శకత్వంలో ఓ చిత్రం చేస్తున్న విషయం తెలిసిందే. ఇటీవలే ఈ చిత్ర షూటింగ్ ప్రారంభమయ్యింది. ప్రస్తుతం ఈ చిత్ర షూటింగ్ శరవేగంగా జరుగుతోంది. చరణ్ సరసన రకూల్ ప్రీత్ సింగ్ హీరోయిన్ గా నటిస్తుంది.

అయితే ఈ చిత్రానికి ముందుగా ‘My Name Is Raju’ అనే టైటిల్ ను అనుకున్నారు. కానీ ఇందులో చరణ్ స్టంట్ మాస్టర్ గా కనిపించనున్నాడని తెలిసింది. అందుకే ఈ చిత్రానికి ‘బ్రూస్ లీ’ అనే టైటిల్ పెట్టే ఆలోచనలో చిత్ర యూనిట్ వున్నట్లుగా సమాచారం. ఈ పాత్రకోసం చరణ్ తన బాడీని చాలా ఫిట్ గా మార్చుకున్నాడు.

ప్రముఖ నిర్మాత డి.వి.వి.దానయ్య డి.వి.వి. ఎంటర్టైన్మెంట్స్ పతాకంపై నిర్మించనున్నారు. ప్రముఖ రచయితలు కోనవెంకట్, గోపి మోహన్ లు కలిసి కథ, మాటలు అందిస్తున్నారు. ఈ చిత్రాన్ని అక్టోబర్ 15న విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.