వాయిదా పడ్డ వర్మ 365 డేస్

Posted: 05/11/2015 10:23 AM IST

ఎప్పుడు హర్రర్, దెయ్యాలు, మాఫియా, రౌడీయిజం చిత్రాలను తీస్తూ భయపెట్టే వర్మ... ప్రస్తుతం రొమాంటిక్ చిత్రాలను తెరకెక్కిస్తున్నాడు. వర్మ దర్శకత్వంలో తెరకెక్కిన తాజా రొమాంటిక్ చిత్రం ‘365 days’. ఇటీవలే సెన్సార్ కార్యక్రమాలను U సర్టిఫికెట్ ను దక్కించుకొని, అందరికి షాక్ ఇచ్చిన విషయం తెలిసిందే. నందు, అనైక హీరోహీరోయిన్లుగా నటించారు. ఈ సినిమా విడుదల కాస్త ఆలస్యం అయ్యేలా వుంది.

ఈ సినిమాను మే 15న విడుదల చేయబోతున్నట్లుగా వర్మ కొద్ది రోజుల క్రితమే ప్రకటించాడు. కానీ తాజాగా ఈ చిత్ర విడుదలను వాయిదా వేసినట్లుగా తెలిసింది. తాజా సమాచారం ప్రకారం మే 22న ‘365 days’ విడుదల చేయడానికి చిత్ర యూనిట్ నిర్ణయించుకున్నట్లుగా తెలిసింది. త్వరలోనే అధికారిక ప్రకటన విడుదల చేయనున్నారు. నిఖిత శ్రీ సమర్పణలో డి.వి. సినీ క్రియేషన్స్ పతాకంపై డి. వెంకటేష్ విలక్షణ – రామ్ గోపాల్ వర్మ కలిసి ఈ సినిమాని నిర్మించారు.

నిజ జీవితంలో ప్రేమించి పెళ్లి చేసుకున్న వారి జీవితాలు పెళ్లికి ముందు, పెళ్లి తర్వాత ఎలా వుంటున్నాయో వర్మ ‘365 డేస్’ సినిమా ద్వారా చూపించనున్నాడు. ఇటీవలే విడుదలైన ట్రైలర్లు, పాటలకు మంచి రెస్పాన్స్ వస్తుంది. ఇందులో హీరోహీరోయిన్ల హాట్ హాట్ రొమాంటిక్ సీన్లు వున్నప్పటికీ కూడా ఈ సినిమాకు U సర్టిఫికెట్ ఎలా వచ్చిందో ఎవరికి అర్థం కావడం లేదు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.