తన ప్రేమ నిజమేనంటున్న హాట్ బ్యూటీ

Posted: 04/28/2015 11:44 AM IST

తెలుగులో మొన్నటి వరకు వరుసగా స్టార్ హీరోలతో జతకట్టిన ప్రియమణికి ప్రస్తుతం తెలుగులో అవకాశాలే రావడంలేదు. హీరోలకు పోటీగా డాన్సులు చేసే ఈ అమ్మడికి అవకాశాలు తగ్గిపోవడంతో ఇక కన్నడ ఇండస్ట్రీకి వెళ్లిపోయింది. అక్కడ పలు టీవి షోలలో న్యాయనిర్ణేతగా పాల్గొంటూ, అప్పుడప్పుడు వచ్చే సినిమా ఆఫర్లను ఒప్పుకుంటుంది.

అయితే సినిమాలకు బాగా దూరమైన ఈ అమ్మడు ప్రేమలో మునిగితేలుతోందని, సినీ ఇండస్ట్రీకి చెందిన ఓ వ్యక్తితో ప్రియమణి ప్రేమాయణం కొనసాగిస్తోందని గతకొద్ది కాలంగా వార్తలొస్తున్న విషయం తెలిసిందే. అయితే ఆ వార్తలపై ప్రియమణి తాజాగా స్పందించినట్లుగా తెలిసింది.

ప్రస్తుతం తాను ప్రేమలో వున్నానని, కానీ అతని పేరు, వివరాలు ఇప్పుడే చెప్పలేనని, సమయం వచ్చినప్పుడు అన్ని వివరాలు చెబుతానని ఓ ఇంటర్వ్యూలో చెప్పిందట ప్రియమణి. అంతే కాకుండా ఆ వ్యక్తి సినీ ఇండస్ట్రీకి సంబంధించినవాడు మాత్రం కాదని ప్రియమణి తేల్చి చెప్పేసిందట.

ప్రియమణి ఇలా చెప్పడంతో... ఎవరో ఓ బిజినెస్ మాన్ తో ప్రియమణి ప్రేమాయణం కొనసాగిస్తోందని, ఇంతకీ ఆ వ్యక్తి ఎవరూ అని సినీ మీడియా ఆరా తీసే పనిలో పడ్డారట. మరి ప్రియమణి తన ప్రేమ, పెళ్లి వివరాలను ఎప్పుడు తెలియజేస్తుందో చూడాలి.