మరొకరి భర్తపై మోజుపడి కిడ్నాప్ చేసిన నటి

Posted: 04/24/2015 04:20 PM IST

Actress alphonsa boyfriend jayashankar kidnap chennai police case

నటి అల్ఫోన్సా ఎవరో గుర్తుందా..? పదేళ్ళక్రితం హాట్ హాట్ గా అందాలు ప్రదర్శిస్తూ ఐటెం సాంగుల్లో మెరిసిన శృంగార తార! అప్పట్లో ఈమెకి పోటీగా మరెవ్వరు లేనిపక్షంలో అటు తమిళం, ఇటు తెలుగులో ఓ వెలుగు వెలిగింది. ఈమెను అభిమానులందరూ తమ కళలరాణిగా భావించేవారు. ఈమె ఐటెంసాంగ్ వున్న సినిమాలకు అప్పట్లో బాగానే డిమాండ్ వుండేది. అయితే.. కాలక్రమంలో కొత్త భామలు ఎంట్రీ ఇచ్చిన నేపథ్యంలో ఈమె ఇమేజ్ ఒక్కసారిగా ఢమాల్ అంటూ పడిపోయింది. అయితే.. కొన్నాళ్ల క్రితం ఈ అమ్మడు ‘సూసైడ్’ వివాదంతో తెరముందుకొచ్చింది. కొన్నిరోజుల తర్వాత అది సద్దుమణిగింది కానీ.. ఇప్పుడు తాజాగా ఈమె మరో వివాదంతో వార్తల్లోకెక్కింది.

అల్ఫోన్సా కొన్ని సంవత్సరాల నుంచి జయశంకర్ అనే వ్యక్తిని డేటింగ్ చేస్తూ వచ్చింది. వీరిద్దరికి సంబంధించిన వార్తలు ఆమధ్య బాగానే షికార్లు చేశాయి. అయితే.. వీరిమధ్య విభేదాలు చోటు చేసుకున్నాయో లేదా మరేమైనా జరిగిందో తెలీదు కానీ.. జయశంకర్ ని ఓ యువతి ఇటీవలే చేసుకుంది. వీరిద్దరి జీవితం కొన్నాళ్లపాటు సుఖంగానే సాగింది. అయితే.. మరొకరిని జయశంకర్ వివాహం చేసుకున్నాడన్న విషయం తెలుసుకున్న నటి అల్ఫోన్సా.. కోపంతో రగిలిపోయింది. వెంటనే వారి ఇంటికి చేరుకుని.. జయశంకర్ ను పెళ్లాడిన యువతితో గొడవ పెట్టుకుంది! ‘జయశంకర్ నీ భర్త కాదు.. నా మొగుడు’ అంటూ కొద్దిసేపు ఆమెతో వాగ్వాదానికి దిగింది. ‘అతనిని మర్చిపోలేదంటే నిన్ను చంపేస్తాను’ అంటూ గట్టిగానే ఆమెకి వార్నింగ్ కూడా ఇచ్చిందట!

ఇలా గొడవ జరిగిన కొన్నిరోజుల అనంతరం జయశంకర్ ను అల్ఫోన్సా కిడ్నిప్ చేసింది. దీంతో అతనిని పెళ్లాడిన యువతి చెన్నై పోలీసులకు ఫిర్యాదు చేసింది. తన భర్తని అల్ఫోన్సా కిడ్నాప్ చేసినట్లుగా ఆమె ఫిర్యాదులో పేర్కొంది. ఆమె ఫిర్యాదు మేరకు కేసు నమోదు చేసుకున్న పోలీసులు.. దర్యాప్తు చేస్తున్నట్లు సమాచారం!