‘లిప్ లాక్’ లోగిళ్లలో బాలయ్య-త్రిష విహారం!

Posted: 04/18/2015 03:06 PM IST

Balakrishna trisha krishnan liplock scene lion movie

మారుతున్న పరిస్థితులకు అనుగుణంగా మన అలవాట్లలోనూ మార్పులు తెచ్చుకుంటే మంచిదేనని అంటుంటారు. ఈ అంశాన్ని సినీవర్గాలవాళ్లు బాగానే ఒంటబట్టేసినట్లున్నారు. అందుకే.. ప్రస్తుతం వస్తున్న దాదాపు సినిమాలన్నింటిలోనూ ‘లిప్ లాక్’ సన్నివేశాలు వుండేలా ప్రయత్నాలు చేస్తున్నారు. ప్రేక్షకులను ఆకర్షించేందుకు సీనియర్ హీరోహీరోయిన్లతో సైతం ఇటువంటి సీన్లు చేయిస్తారు. మొన్నటివరకు ఈ సీన్లలో నటించేందుకు అంగీకరించని బడాహీరోలు కూడా ప్రస్తుత ట్రెండ్ కు తగ్గట్టు తమలో మార్పు తెచ్చుకోవడంతోపాటు లిప్ లాక్ సీన్ లో నటించేందుకు సిద్ధపడుతున్నారు. ఇప్పుడు ఈ లిస్టులో తాజాగా బాలకృష్ణ కూడా చేరిపోయినట్లు వార్తలొస్తున్నాయి.

నూతన దర్శకుడు సత్యదేవా దర్శకత్వంలో బాలయ్య హీరోగా ‘లయన్’(98వ చిత్రం)లో నటిస్తున్న విషయం తెలిసిందే! ఇందులో బాలయ్య సరసన రాధికా ఆప్టే, త్రిష హీరోయిన్లుగా నటిస్తున్నారు. మే 1వ తేదీన విడుదల అవుతున్న ఈ సినిమాకు సంబంధించి తాజాగా ఓ సంచలన వార్త చక్కర్లు కొడుతోంది. ఈ మూవీలో త్రిష-బాలయ్య మధ్య ఓ ఘాటు లిప్ లాక్ సన్నివేశం వుందన్న ఊహాగానాలు సినీవర్గాల్లో రేకెత్తాయి. పైగా.. ఇటీవలే ఈ మూవీకి సంబంధించి విడుదలైన పాటల టీజర్లలోని ఓ పాటలో త్రిష పెదాలను బాలయ్య పట్టుకునే సన్నివేశం అందరిలోనూ సెగలు రేపిస్తోంది. దీంతో ఈ మూవీలో వీరిద్దరి మధ్య లిప్ లాక్ సీన్ వుండే అవకాశాలున్నాయని గాసిప్స్ గుప్పుమంటున్నాయి. మరి.. ఆ సీన్ వుందోలేదో చూడాలంటే మూవీ రిలీజ్ వరకు ఆగాల్సిందే!