వేసవి సెలవుల్లో నందమూరి షేర్ విడుదల

Posted: 02/25/2015 10:41 AM IST

నందమూరి కళ్యాణ్ రామ్ ఈ ఏడాది మొదటి బ్లాక్ బస్టర్ తో ‘నందమూరి నామసంవత్సరం’గా ప్రకటించేసాడు. కళ్యాణ్ రామ్ నటించిన ‘పటాస్’ సినిమా ఈ ఏడాది మొదటి బ్లాక్ బస్టర్ హిట్ చిత్రంగా నిలిచింది. నందమూరి తారకరామారావు ఆర్ట్స్ బ్యానర్లో కళ్యాణ్ రామ్ నిర్మాతగా తెరకెక్కిన ‘పటాస్’ సినిమా ఇటీవలే భారీ విజయాన్ని అందించింది.

ఈ సినిమా తర్వాత కళ్యాణ్ రామ్ ఈ ఏడాదే మరో హిట్టుకొట్టడానికి సిద్ధమవుతున్నాడు. కళ్యాణ్ రామ్ ప్రస్తుతం నటిస్తున్న తాజా చిత్రం ‘షేర్’. మల్లిఖార్జున్ దర్శకత్వంలో తెరకెక్కుతున్న ఈ చిత్రాన్ని కొమర వెంకటేష్ నిర్మిస్తున్నారు. ఇటీవలే విడుదలైన ‘షేర్’ మూవీ ఫస్ట్ లుక్ కు మంచి స్పందన వస్తోంది.

ఇందులో కళ్యాణ్ రామ్ సరసన వన్య మిశ్రా హీరోయిన్ గా నటిస్తోంది. కమర్షియల్ మాస్ ఎంటర్ టైనర్ గా రూపొందుతున్న ఈ చిత్ర షూటింగ్ ప్రస్తుతం హైదరాబాద్ లో జరుగుతోంది. షూటింగ్ చివరి దశకు చేరుకుంది. వేసవి సెలవుల్లో సినిమాను విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.