బ్రహ్మోత్సవం కుర్రాడితో రకూల్ భామ

Posted: 02/17/2015 12:58 PM IST

మహేష్ ప్రస్తుతం కొరటాల శివ దర్శకత్వంలో ఓ సినిమా చేస్తున్నాడు. ఫ్యామిలీ, యాక్షన్ ఎంటర్ టైనర్ గా రూపొందబోతుంది. శృతిహాసన్ హీరోయిన్ గా నటిస్తున్న ఈ సినిమాలో జగపతిబాబు, రాజేంద్రప్రసాద్ లు కీలక పాత్రలలో నటిస్తున్నారు. దేవిశ్రీప్రసాద్ సంగీతం అందిస్తున్నారు. త్వరలోనే ప్రేక్షకుల ముందుకు రానుంది.

ఈ సినిమా తర్వాత మహేష్ బాబు హీరోగా శ్రీకాంత్ అడ్డాల దర్శకత్వంలో ఓ సినిమా చేయబోతున్నాడని గతకొద్ది కాలంగా వార్తలొస్తున్న విషయం తెలిసిందే. ఇప్పటికే వీరి కాంబినేషన్లో ‘సీతమ్మ వాకిట్లో సిరిమల్లె చెట్టు’ సినిమా వచ్చిన విషయం తెలిసిందే. ఈ సినిమా మంచి ఘనవిజయం సాధించింది.

వీరి కాంబినేషన్లో రూపొందనున్న ఈ తాజా చిత్రానికి ‘బ్రహ్మోత్సవం’ అనే టైటిల్ ను పరిశీలిస్తున్నారు. ఇందులో మహేష్ సరసన హీరోయిన్ రకూల్ ప్రీత్ సింగ్ ను ఎంపిక చేసారు. త్వరలోనే అధికారికంగా ప్రకటించనున్నారు. ప్రస్తుతం స్ర్కిప్టు పనుల్లో శ్రీకాంత్ అడ్డాల బిజీగా వున్నాడు. ఈ ప్రాజెక్ట్ ఏప్రిల్ నుంచి సెట్స్ పైకి వెళ్లే అవకాశం వున్నట్లుగా సమాచారం.