ప్రేమ పెటాకులైనా.., ప్రేమికులేనట

Posted: 01/08/2015 11:52 AM IST

తెలుగు, తమిళ ఇండస్ర్టీలు అంతా హాట్ హాట్ గా చర్చించుకుంటున్న విషయం ఏమిటబ్బా అంటే సిద్ధార్ధ్- సమంత బ్రేకప్. రెండ్రోజులుగా ఉదయం వేకప్ నుంచి సాయంత్రం ప్యాకప్ వరకు వీరి బ్రేకప్ గురించే రెండు ఇండస్ర్టీల్లో మాట్లాడుకుంటున్నారు. ఎలా బ్రేకప్ అయింది, ఇప్పుడు ఎవరు ఏం చేయబోతున్నారు అని తెగ గుసగుసలాడుకుంటున్నారు. ప్రేమ పెటాకులు కావటంతో ఇక వీరిద్దరూ మళ్లీ కలిసే అవకాశం లేదనీ.. కలిసి సినిమాలు తీసే అవకాశం కూడా లేదని అనుకుంటున్నారు. కాని ఇది నిజం కాదు అని కొందరు చెప్తున్నారు. సమంత లాంటి ప్రాక్టికల్ మనిషి సినిమాను, ప్రేమను ఈజీగా వేరు చేస్తుందని చెప్తున్నారు. కాబట్టి ప్రేమికులుగా విడిపోయినా.., నటులుగా కలిసే ఉంటారన్నమాట.

‘బెంగళూర్ డేస్’ అనే సినిమా తెలుగు, తమిళంలో రీమేక్ అవుతున్న విషయం తెలిసిందే. ఇందులో సమంత, సిద్దార్ధ్, ఆర్య ప్రధాన క్యారెక్టర్లు చేస్తున్నట్లు ఎప్పుడో ఫిక్స్ చేసి డేట్లు బుక్ చేసుకున్నారు. లేటెస్ట్ బ్రేకప్ తో సినిమా గందరగోళంలో పడింది అనుకున్న సమయంలో, అదేమి లేదే అని మూవీ యూనిట్ వర్గాలు చెప్తున్నాయి. మార్చి 1 నుంచి ప్రారంభం అయ్యే షూటింగ్ లో వీరిద్దరూ కలిసి నటిస్తారని చెప్తున్నారు. తమ్ముడు తమ్మడే.., పేకాట పేకాటే అన్నట్లుగా ఎక్కడి లెక్కలు అక్కడే చేసేలా మైండ్ సెట్ చేసుకుంటున్నారు.

లవ్ బ్రేకప్ పై మీడియా అతిగా ప్రవర్తిస్తోందని సమంత ఆగ్రహం వ్యక్తం చేసింది. బంధం తెగిపోయి బాధితురాలిగా బాధపడుతోందని ఈ పత్రిక కథనం ప్రచురించటంపై చెన్నై భామ సీరియస్ అయింది. ‘నేను బాధితురాలిని కాదు, సిద్ధార్థ్ కూడా గొప్ప వ్యక్తి’, ‘అయినా ఇలాంటి విషయాలకు మీడియా అతిగా ప్రాధాన్యం ఇచ్చి, ప్రచారం చేయకూడదు. ఇలాంటి కామెంట్స్ మరోసారి రాయకండి’ అని ట్విట్టర్ లో పోస్ట్ చేసింది. గతంలో కూడా మీడియాపై సమంత రుసరుసలాడిన విషయం తెలిసిందే. ఏదయితేనేం రెండున్నరేళ్ళ ప్రేమ నుంచి బయట పడ్డ వీరిద్దరూ.., నెలన్నర తర్వాత కలవనున్నారు. విడిపోయిన ప్రేమ జంట, వెండి తెరపై ఎంతమేర ప్రేమ ఒలకబోస్తుందో చూద్దాం.