కమెడియన్’తో వివాహం చేసుకున్న అంజలి?

Posted: 12/16/2014 12:01 PM IST

Anjali secret marriage tamil comedian satish kollywood rumours

టాలీవుడ్ సీతమ్మగా పేరొందిన తెలుగు నటి అంజలి ఒక కమెడియన్’తో సీక్రెట్’గా వివాహం చేసుకుందని రూమర్లు తెగ షికార్లు చేస్తున్నారు. ఇదివరకే ఈ అమ్మడు ఒక బిజినెస్’మేన్’తో ప్రేమాయణం నడుపుతోందని కొన్నాళ్లు, తర్వాత మరికొన్నాళ్లవరకు ఓ హీరోతో తెగ జల్సాలు చేస్తోందని, అలాగే ఇండస్ట్రీలో మూవీ ఆఫర్లు రాకపోవడం వల్ల అంజలి లోలోపలే రహస్య కార్యకలాపాలు నడుపుతోందని.. ఇలా ఎన్నో రకాలుగా వార్తలు వస్తూనే వున్నాయి. ఇప్పుడు తాజాగా కమెడియన్’తో ప్రేమవివాహం చేసుకుందని ఫిలిం ఇండస్ట్రీలో జోరందుకున్నాయి. మొత్తానికి చూస్తుంటే.. నటి అంజలి వివాదాస్పదమైన రూమర్లకు కేరాఫ్ అడ్రస్’గా మారిపోయినట్లు తెలుస్తోంది.

ఎప్పుడూ ఏదో ఒక రూమర్’తో వార్తల్లో నిలుస్తూ వుండే అంజలి.. ఇప్పుడు తమిళ కమెడియన్ సతీష్’ను సీక్రెట్’గా వివాహం చేసుకుందని ఒక్కసారిగా ప్రచారాలు సాగుతున్నాయి. ఇటీవలే కమెడియన్’గా మంచి గుర్తింపు సాధించిన సతీష్.. పలు సినిమాల్లో కీలకపాత్రలు పోషించాడు. అంతేకాదు.. రాబోయే రోజుల్లో బోలెడన్నీ సినిమాలతో బిజీగా కూడా వున్నాడని సమాచారం! ఈ నేపథ్యంలో ఆఫర్లు లేక సతమతమవుతున్న అంజలి.. కమెడియన్’గా ఊపుమీదున్న సతీష్’ని వివాహం చేసుకుందని గాసిప్స్ బయటికొచ్చాయి. అంతేకాదు.. త్వరలోనే అఫిషియల్ స్టేట్’మెంట్ కూడా రాబోతుందని చెప్పుకుంటున్నారు కూడా!

అయితే.. ఇదే విషయమై కమెడియన్ సతీష్’ను ప్రస్తావించగా.. ‘‘అసలు నేనింతవరకు అంజలిని ఒక్కసారి కూడా కలవలేదు. ఆమెను సినిమాలలో చూడడం తప్ప ఆమెతో అఫీషియల్’గా ఎటువంటి పరిచయమే లేదు. మరి, ఈ వార్తని ఎవరు పుట్టించారో!" అంటున్నాడు. మరోవైపు ఈ వార్తలపై నటి అంజలి మాత్రం ఏమీ స్పందించడం లేదు. ఆమె స్పందన కోసం ఎంతోమంది వెయిట్ చేస్తున్నారు. ఇదిలావుండగా.. ఆమె కెరీర్’ను నాశనం చేయాలనే ఉద్దేశంతోనే కొంతమంది కావాలని ఇలా వ్యతిరేకంగా రూమర్లు సృష్టిస్తూ ప్రచారం చేస్తున్నారని తెలుస్తోంది.