ఇలా అయితే పవన్ కు ఇబ్బందులు తప్పవు

Posted: 12/11/2014 11:12 AM IST

పవన్ మాజి భార్య రేణు దేశాయ్ ఏది చేసినా సంచలనమే. పవర్ స్టార్ నుంచి విడిపోయి చాలా కాలం అయినా.., ఇప్పటికీ ఆయన పేరునే స్మరిస్తూ.., మీడియాలో ఉంటోంది. సినిమా ప్రమోషన్లు, ఇంటర్వ్యూలు అన్నీ పవన్ పేరు వాడుకునే జరుగుతున్నాయి. ఇవేవీ ఆయన ఇమేజ్ కు ఇబ్బంది కల్గించలేదు. కానీ.. రేణు త్వరలో తీసుకునే నిర్ణయం.., ఇద్దరి జీవితాలకు ఇబ్బందికరంగా మారే అవకాశం ఉంది. తాజా పుకార్లు నిజమైతే పవన్ సినిమా, పర్సనల్ లైఫ్ కు ఇబ్బందులు తప్పవని తెలుస్తోంది.

రేణు దేశాయ్ త్వరలోనే ఇండస్ర్టీలోకి రీ ఎంట్రీ ఇస్తోందని టాలీవుడ్ లో ప్రచారం జరుగుతోంది. పవన్ మాజీ భార్యగా ఉన్న పాపులారిటీని గమనించిన కొందరు దర్శక నిర్మాతలు ఆమెకు తగ్గట్టు సినిమా ఛాన్సులు ఇస్తామన్నారట. సినిమాల్లో తల్లి క్యారెక్టర్ లేదా.., హీరోయిన్ సోదరి ఇలా మెయిన్ సపోర్టింగ్ క్యారెక్టర్ ఆఫర్ చేస్తున్నారట. మళ్ళీ నటిగా వస్తే తమ సినిమాలకు ప్లస్ అవుతుందనే ఇలా చేస్తున్నట్లు తెలుస్తోంది. అయితే రీ ఎంట్రీపై రేణు ఇంకా నిర్ణయం తీసుకోలేదని తెలుస్తోంది. ఒకవేళ సినిమాలు చేసేందుకు ఒప్పుకుంటే మాత్రం ఇద్దరికీ ఇబ్బందులు తప్పవు. అప్పుడప్పుడూ కన్పిస్తేనే మీడియా పవన్ గురంచి ప్రశ్నలు వేస్తుంటుంది. ఇక రోజు ఇండస్ర్టీలో కన్పిస్తుంటే.., ప్రతి వారు అడుగుతూనే ఉంటారు. ఏదో ఒక సమయంలో.., ఏదో ఒక కోణంలో పవన్ టార్గెట్ గా ప్రశ్నలు వేసే అవకాశం ఉంది.

వీటికి ఏ సమాధానాలు చెప్పినా ఇబ్బంది తప్పదు. దీనికి తోడు పవన్ మాజి భార్య సినిమాల్లో నటిస్తుంది అనే ఇంప్రెషన్ ప్రజల్లోకి వెళ్తే.., రేణుపై సింపథీ పెరగటంతో పాటు.., పవర్ స్టార్ కు నెగెటివ్ మార్క్ వచ్చే ప్రమాదముంది. ఇది ఏ పరిణామాలకు దారి తీసినా ఆశ్చర్యపోనవసరం లేదు. విడిపోయి ప్రశాంతంగా ఉన్న ఇద్దరూ.., రేణు తీసుకునే నిర్ణయంతో ఇబ్బందులు పడటం ఖాయమని సినివర్గాలు అంటున్నాయి. ప్రస్తుతానికి ఇతర ఇండస్ర్టీల్లో డైరెక్టర్ లేదా, నిర్మాతగా కొనసాగితేనే ఇద్దరికీ బెటర్ అని అంటున్నారు.

కార్తిక్