కేసీఆర్ ను పొగడటం వెనక పెద్ద ప్లాన్...?

Posted: 11/20/2014 12:06 PM IST

ఎప్పుడూ వివాదాస్పద వ్యాఖ్యలు చేస్తూ.., ఎవరో ఒకరిని విమర్శించే డైరెక్టర్ రామ్ గోపాల్ వర్మ.., ఈ మద్య తెలంగాణను నెత్తికెక్కించుకుంటున్నాడు. తెలంగాణ అనే మాట వస్తే చాలు వెంటనే లేచి నిలబడి గౌరవం ఇచ్చినంత పని చేస్తున్నాడు. అవసరమైతే కరీంనగర్ లో ఇండస్ర్టి పెట్టేస్తా అని.., కేసీఆర్ చాల మంచి పనులు చేస్తున్నారని ఇలా వరుసగా తెలంగాణకు అనుకూలంగా కామెంట్లు చేస్తున్నాడు. అందర్నీ తిట్టిపోసే వర్మ గారు కొత్త రాష్ర్టంను మాత్రం ఎందుకు ఇంత ప్రేమిస్తున్నారనే ప్రశ్నలకు ఫిలింనగర్ లో విన్పిస్తున్న సమాధానాలు ఇవి.

ప్రస్తుతం తెలంగాణ ప్రత్యేక రాష్ర్టంగా ఏర్పడింది. అన్ని విభాగాలు విడిగా ఏర్పాటవుతున్నాయి. ఈ క్రమంలోనే సినిమా ఇండస్ర్టీ కూడా విడిపోతుందని అంతా అనుకున్నారు. అయితే ఇండస్ర్టీ హైదరాబాద్ లోనే ఉంటుందని టాలీవుడ్ ప్రముఖులు, కళాకారులకు సాయం చేస్తామని తెలంగాణ సర్కారు ప్రకటించింది. అయితే ఎప్పటికైనా ఇండస్ర్టీ విడిపోయి వైజాగ్ కు వెళ్ళటం ఖాయంగా పలువురు చెప్తున్నారు. ప్రస్తుతం ఇండస్ర్టీలో తెలంగాణ నుంచి ఎక్కువగా డైరెక్టర్లు, ప్రొడ్యూసర్లు లేరు. దీంతో తెలంగాణ సర్కారుకు అనుకూలంగా మాట్లాడితే... ఇండస్ర్టీ విభజన సమయంలో ఈయన గారి చేతులకు తెలంగాణ ఇండస్ర్టీ పగ్గాలు అప్పగిస్తారని కలలు కంటూ ఇలా కామెంట్లు చేస్తున్నారని తెలుస్తోంది.

ఇప్పుడెలాగూ సినిమాలు హిట్ కావటం లేదు. కాబట్టి కేసీఆర్ ను కాకాపడితే ఆయన మెచ్చుకుని సమాచార శాఖ సలహాదారుగానో లేక సినిమా ఇండస్ర్టీకి సలహాదారుగానో ప్రభుత్వ పదవి ఇస్తాడని అంటున్నారు. ఇక కరీంనగర్ ను పొగడటం వెనక విషయం ఏమిటంటే.., తెలంగాణలో ఎక్కువ మంది సినిమా కళాకారులు ఈ ప్రాంతానికి చెందినవారున్నారు. కరీంనగర్, నిజామాబాద్ ప్రాంతాలనుంచి ఆర్టిస్టులు చాలామందే ఉంటారు. కాబట్టి తన సినిమాలకు యువ కళాకారుల కోసం వెతుక్కునే పనిలేకుండా కరీంనగర్ లో ఇండస్ర్టి అని రెండు మాటలు చెప్తే అక్కడివారికి వర్మ మంచి వ్యక్తి అవుతాడు. దీంతో ఫ్యూచర్ లో సినిమా హీరోల కోసం పని సులువు అవుతుంది అని వర్మగారు భావిస్తన్నట్లుగా ఫిలింనగర్ వర్గాలు చెప్తున్నాయి. ఈ వార్తల్లో ఎంతవరకు నిజముందో తెలియదు. అయితే పబ్లిసిటి అనే కారణం లేకుండా వర్మ మాత్రం ఏ కామెంట్ చేయరు అని తెలిసిందే.

కార్తిక్