దర్శకులకు దిమ్మతిరిగే షాకిచ్చిన చిరంజీవి!

Posted: 10/25/2014 01:24 PM IST

Chiranjeevi shocks to tollywood directors by taking latest decision that he is plans to direct his own 150 film

మెగాస్టార్ చిరంజీవి 150వ సినిమాకు సంబంధించి టాలీవుడ్ లో రోజుకొక వార్తలు షికార్లు చేస్తూనే వున్నాయి కానీ.. ఇంతవరకు ఆ మూవీకి సంబంధించి అధికారికంగా ఎటువంటి ప్రకటనలు వెలువడి కాలేదు. అప్పట్లో ఎవరైనా సరైన స్ర్కిప్ట్ తో ముందుకు వస్తే వారికి నగదు బహుమతిని ఇస్తామంటూ ప్రకటన ఇచ్చేసినట్లు వార్తలు వచ్చాయి. అలాగే వివి వినాయక్, బోయపాటి శ్రీనుల్లో ఎవరో ఒకరు చిరు సినిమాకు దర్శకత్వం వహించే అవకాశాలున్నాయని ప్రచారాలు కూడా కొనసాగాయి. ఈ నేపథ్యంలోనే కొంతమంది చిరుకు తమ కథలు వినిపించినా.. అవి నచ్చకపోవడంతో డిసప్పాయింట్ అయ్యారని తెలిసింది. దాంతో ఆయన తన బర్త్ డే నాడు 150 సినిమా గురించి అధికారికంగా వెల్లడించాల్సిన ప్రకటనను వాయిదా వేసుకున్నారు. అయితే ఆయన స్లిమ్ గా కనిపించేందుకు నేపాల్ కు వెళ్లారనే టాక్ కూడా వినిపించింది. ఇలా ఒక్కొక్కటిగా రూమర్లు వస్తున్నాయే తప్ప.. ఆ సినిమా గురించి చిరుగానీ, ఆయన కుటుంబసభ్యులుగానీ ఇంతవరకు ఏమీ స్పందించలేదు. చిరు కూడా ఇంతవరకు ఏమీ స్పందించకపోవడంతో ఫ్యాన్స్ కూడా బాగానే ఫీల్ అవుతున్నారని సమాచారం!

ఇదిలావుండగా.. తాజాగా చిరంజీవి ఒక అరుదైన నిర్ణయాన్ని తీసుకుని టాలీవుడ్ లో వుండే దర్శకులకు దిమ్మతిరిగే షాకిచ్చారనే మరో ప్రచారం వెలుగులోకి వచ్చింది. తన 150వ సినిమాకు స్వయంగా దర్శకత్వం వహించాలనే ఆలోచనలో చిరు వున్నాయని తెలుస్తోంది. గతంలో కూడా ఆయన రామ్ చరణ్ సినిమాలైనా ‘‘నాయక్, ఎవడు, గోవిందుడు అందరివాడేలే’’ వంటి స్ర్కిప్టుల్లో మార్పులు చేయడం వల్లే సక్సెస్ సాధించాయని.. ఆ సినిమాల విజయం వెనుక చిరంజీవి హస్తముందనే వార్తలు కూడా బాగానే చక్కర్లు కొట్టాయి. ఈ నమ్మకంతోనే ఆయన తన 150వ చిత్రానికి స్వయంగా దర్శకత్వం వహించే అవకాశాలున్నాయని సన్నిహిత వర్గాలు పేర్కొంటున్నాయి. చిత్రపరిశ్రమలో చాలాకాలం వరకు యాక్టర్ గా కొనసాగిన చిరు.. తన సినిమాకు తానే దర్శకత్వంలో వహించడంలో ఆశ్చర్యపోవాల్సిన అవసరం లేదని అంటున్నారు. అయితే ఇందుకు సంబంధించి ఇంకా అధికారిక ప్రకటన ఇంకా వెలువడాల్సి వుంది. ఒకవేళ ఇదే నిజమైతే.. చిరు చాలా జాగ్రత్తలు పాటించాల్సి వుంటుంది.. లేదా ఇతర దర్శకుల సహాయాన్ని తీసుకోవాల్సి వుంటుందని సినీ విశ్లేషకులు చెబుతున్నారు.