‘ఒక్కడు’ మహేష్ ను మరిపిస్తాడట !!

Posted: 10/14/2014 05:42 PM IST

మహేష్ బాబు తొలి సూపర్ హిట్ సినిమా అంటే అంతా చెప్పేది ‘ఒక్కడు’ సినిమా గురించే. అప్పట్లో ఈ సినిమా సంచలనాలను క్రియేట్ చేసింది. లవర్ బాయ్ గా ఉన్న మహేష్ కు ఒక్కసారిగా క్రేజ్ తీసుకువచ్చింది. ఈ సినిమా తర్వాత ప్రిన్స్ మ్యానరిజం, స్టయిల్ మారిపోయాయి. ఎన్నో సినిమాలకు ‘ఒక్కడు’ మూవీ సవాల్ గా నిలిచింది. అలాంటి సినిమాను హిందీలో ‘తేవర్’ పేరుతో రీమేక్ చేస్తున్నారు. బోనీకపూర్ రీమేక్ చేస్తున్న ఈ సినిమాలో ఆయన తనయడు అర్జున్ కపూర్ నటిస్తున్న విషయం తెలిసిందే. తాజాగా ఈ సినిమా ఫస్ట్ లుక్ విడుదల అయింది.

‘తేవర్’ ఫస్ట్ లుక్ కు మంచి స్పందన వస్తోంది. అర్జున్ కోపం., యాక్షన్ సీన్లను ఈ ఫొటో కళ్లకు కట్టినట్లు చూపుతోంది. ‘ఒక్కడు’లో మహేష్ నటనను మించేవిధంగా ఉంటుండొచ్చు అని బాలీవుడ్ ప్రముఖులు అంటున్నారు. సినిమా విడుదల అయితే మహేష్ ను మరిపించవచ్చు అని అంటున్నారు. ముందుగా అభిషేక్ బచ్చన్ తో రీమేక్ చేయాలి అనుకున్నా పలు కారణాలతో చివరకు అర్జున్ ను ఖరారు చేశారు. సంజయ్ కపూర్ ప్రొడక్షన్స్ బ్యానర్ పై ఈ సినిమాను తెరకెక్కిస్తున్నారు. సోనాక్షి సిన్హా ఇందులో హీరోయిన్ గా నటిస్తోంది.

అటు ఇందులో మాదామియా అంటూ శృతి హాసన్ ఐటం సాంగ్ చేస్తుంది. ఇందులో ఆమె అందాలు వెండితెరకు వేడిపుట్టించేలా చూపించింది అని అంటున్నారంతా. ఈ పాట సినిమాలో హైలైట్ గా కూడా నిలుస్తుందని తెలుస్తోంది. ఈ సినిమా తర్వాత అర్జున్ ‘గుండే’, ‘ఫైండింగ్ ఫానీ ఫెర్నాండెజ్’ తదితర సినిమాల్లో నటించనున్నారు. త్వరలోనే ‘ఒక్కడు’ సినిమాను ఇతర భాషల్లో కూడా రీమేక్ లేదా డబ్ చేసే అవకాశం ఉంది.

కార్తిక్