రాణా కాదంటే కవచంలా నిలిచాడు

Posted: 09/26/2014 09:45 AM IST

హీరో దగ్గుబాటి రాణా బిజీ షెడ్యూల్ కారణంగా కొన్ని సినిమాలను వద్దు అనుకుంటున్నాడు. ఇవే చిన్న హీరోలకు, చాన్స్ కోసం ఎదురుచూస్తున్నవారికి వరాలుగా మారుతున్నాయి. ప్రస్తుతం దగ్గుబాటి వదిలేసిన ‘కవచం’ సినిమాకు హీరో నానికి ఎంపిక చేశారట. గతంలో ఈ సినిమా చే్స్తానని రాణా ఒప్పుకున్నాడు. అయితే డేట్లు సర్దుబాటు చేయలేక చివరకు కుదరదు అని చెప్పాడు. దీంతో ఈ సినిమాకు నాని ఎంపిక అయినట్లు ఫిలింనగర్ లో గుసగుసలు విన్పిస్తున్నాయి. హీరో మార్పు నేపథ్యంలో సినిమా కధ, స్టోరీ లైన్ కూడా మారుతుంది అని తెలుస్తోంది.

హీరోయిజంకు సూట్ అయ్యేలా కవచం అనే పేరు డిసైడ్ చేశారు. అయితే నాని హీరోయిజం కంటే.., కామెడి, సింప్లిసిటి హీరోగా గుర్తింపు పడటంతో ఆయనకు తగ్గట్లుగా టైటిల్.., స్టోరీ లైన్ ఉంటుందని అంటున్నారు. నాని బాడీ లాంగ్వేజ్ కు సూట్ అయ్యేలా కధలో కొన్ని మార్పులు చేస్తున్నారు. ప్రస్తుతం నాని  ‘ఎవడే సుబ్రహ్మణ్యం’ సినిమాను చేస్తున్నారు. ఇది పూర్తికాగానే.. ‘కవచం’ సెట్ కు వెళ్ళిపోతాడన్నమాట.

‘కవచం’ సినిమాను హను రాఘవపూడి తెరకెక్కిస్తున్నారు. ఈయన చివరి సినిమా ‘అందాల రాక్షసి’. అందులో కూడా రాణా హీరో. ఆ సినిమా కధ బాగానే ఉన్నా.., ఆశించిన మేర హిట్ సాధించలేదు. ఈ నేపథ్యంలోనే రాణా మరోసారి డేర్ చేసేందుకు ఇష్టపడటం లేదని టాక్ వస్తోంది. సినిమా వద్దు అనుకోవటానికి ఇది కూడా ఒక కారణమట. అయితే దీనిపై మాత్రం దగ్గుబాటి, హను వర్గాలు ఎలాంటి ప్రకటన చేయలేదు.

కార్తిక్