విడిపోతున్న దర్శకులు-నటులు !

Posted: 05/26/2014 03:59 PM IST

టాలీవుడ్ లో కొత్త మంటలు పుట్టుకొస్తున్నాయి. ఇప్పటి వరకు ఒకే గొడుగు ఉన్న వారు.. మరో గొడుగు కిందకు వెళ్లుతున్నారు. చిన్న చిన్న కారణాలు చూపి .. దర్శకులు , నటులు రెండు వర్గాలుగా ఏర్పాడుతున్నారు. ఇప్పుడు టాలీవుడ్ లో నటుడు ప్రకాష్ రాజ్ విషయం ద్వారా సినీ పెద్దల మద్య ఉన్న లుకలుకలు బయటపడుతున్నాయి. అయితే ప్రస్తుతం కృష్ణవంశీ దర్శకత్వంలో రూపొందుతున్న 'గోవిందుడు అందరివాడేలే'లో చరణ్ తాతయ్యగా నటిస్తున్నాడు ప్రకాష్. ముందుగా ఈ పాత్రకు తమిళ నటుడు రాజ్ కిరణ్ ను తీసుకున్నా అతని పర్ఫార్మెన్స్ సరిపోవడం లేదని ప్రకాష్ రాజ్ ను తీసుకున్నారని తెలుస్తోంది.

అయితే ప్రకాష్ రాజ్ వ్యవహారంలో శ్రీను వైట్ల శైలి చాలా మందికి నచ్చలేదు. అందుకే అతన్ని కాపాడేందుకు చాలామందే ప్రయత్నించారు. ఇక నిర్మాత దిల్ రాజు దగ్గరుండి అతనిపై వేటు పడకుండా చూశాడు. అయితే మరోవైపు మహేష్ బాబు, శ్రీను వైట్ల క్యాంప్ మాత్రం ప్రకాష్ రాజ్ మేటర్ చాలా సీరియస్ గానే తీసుకున్నారు. అయినా తోటి దర్శకుడికి సపోర్ట్ ఇవ్వకుండా ప్రకాష్ రాజ్ ను మళ్లీ తీసుకున్నారంటే ఖచ్చితంగా శ్రీను వైట్ల క్యాంప్ కు కోపం వచ్చినట్లు కనబడుతుందని టాలీవుడ్ వర్గాలు అంటున్నాయి.

దీనికి తోడు శ్రీనుకు సపోర్ట్ గా మహేష్ బాబుతోపాటు చాలా మంది దర్శకులు ఉన్నారనే టాక్ వినిపిస్తోంది. దీంతో ప్రకాష్ రాజ్ మేటర్ లో దర్శకులు, నటులు రెండుగా చీలిపోయే అవకాశం ఉందంటున్నారు సినీ పెద్దలు. అసలే రాష్ట్ర విభజన జరిగిన సమయంలో.. దర్శకులు, నటులు రెండు వర్గాలు ఏర్పాటం చూసి చిన్న చిన్న నటులు ఆందోళన చెందున్నారు.