పొలిటికల్ బావల కోసం రంగంలోకి దిగిన సినీ బావమరుదులు.

Posted: 04/21/2014 06:25 PM IST

నేటి రాజకీయలు కుటుంబ రాజకీయాలుగా మారుతున్నాయి. గతంలో  ఎవరైన రాజకీయల్లోకి ఉంటే.. ఆయన కుటుంబం రాజకీయాలకు చాలా దూరంగా ఉండేది. కానీ నేడు జరుగుతున్న రాజకీయాలో  అలా కాదు.. రాజకీయ బరిలోకి ఒక కుటుంబం నుండి ఎవరైన నిలబడితే చాలు.. ఆయన కుటుంబం, బంధువులు, కలిసి అతని గెలుపు కోసం ఎన్నికల ప్రచారం చేస్తున్నారు. 

నిన్నటి వరకు సినీ గ్లామర్ రాజకీయ పార్టీలు ఉపయోగించుకొనేవి. కానీ నేడు  రాజకీయ నేతలు ఉపయోగించుకుటున్నారు.ఇప్పటికే పవన్ కళ్యాణ్ బిజెపి తరపున ప్రచారం చేస్తున్నాడు, అలాగే మహేష్ బాబు తన బావ అయిన గల్లా జయదేవ్ కి ఓటు వేయాలని ట్విట్టర్ ద్వారా ప్రచారం చేసాడు. మరోవైపు నందమూరి బాలకృష్ణ ప్రత్యక్ష రాజకీయాల్లోకి దిగి పార్టీ తరపున రాష్ట్ర వ్యాప్తంగా ప్రచారం చేస్తున్నాడు.

ఇదిలా ఆంటే తాజాగా ‘స్వయం వరం’, ‘చిరునవ్వుతో’ మొదలైన సినిమాలతో పరిచయం ఉన్న కామెడీ హీరో వేణు తొట్టెంపూడి తన బావ అయిన నామా నాగేశ్వరరావు తరపున ప్రచారం చేస్తున్నాడు. 

నామా నాగేశ్వరరావు టిడిపి పార్టీ తరపున ఖమ్మం నుండి లోక్ సభ స్థానానికి పోటీ చేస్తున్నాడు. ఈ సందర్భంగా ప్రచార కార్యక్రమంలో పాల్గొన్న వేణు ప్రజలందరికీ ‘మా బావకే మీ అమూల్యమైన ఓటు వేసి గెలిపించండని’ ప్రచారం చేస్తున్నాడు.  ఇప్పటికే సినిమాల్లో వెనకబడిపోయిన నటుడు వేణు..  ఈ ఎన్నికల ప్రచారంలో తన బావ కోసం కష్టపడుతున్నారు. వేణు కష్టం  ఆయన బావ నామా కు ఏ మాత్రం ఉపయోగపడుతుందో చూడాలి. 

అయిన బావలో దమ్ము ఉండాలి గానీ,  సినీ బావమరుదులు ఎంతమంది ప్రచారం చేసిన ఫలితం ఏముంటుంది చెప్పండి. ఒకవేళ  ఆ బావలు గెలిస్తే..  అంత మా పుణ్యమే అని అంటారు.  ఒకవేళ ఓడిపోతే.. మాత్రం అటూ  బావకు.. ఇటూ బావమరిదికి ఇద్దరి పరువు పోతుంది.  సినీ గ్లామర్ ప్రచారం తో  పబ్లిసిటీ వస్తుంది గానీ, ఫలితం అంతగా ఉండదని అనుభవం అయిన రాజకీయ నాయకులు అంటున్నారు.  ఎన్నికల సమరంలో దిగిన నేతలో నిజాయితీ ఉంటే చాలు సినీ గ్లామర్ అవసరం లేదని ఓటర్ నాడి తెలిసిన రాజకీయ మేథావులు అంటున్నారు.  

బావలైన, బావమరుదులైన..  ప్రజలకు సేవలు  అందించే నాయకుడి కోసం ఓటర్లు ఎదురు చూస్తున్నారు. ఈ సారీ నిజాయితీగల నాయకుడికే విజయం వరిస్తుందని  కొన్ని రాజకీయ సర్వేలు చెబుతున్నాయి.  ఈ ఎన్నికల సమరంలో  బావ, బావమరుదుల ప్రచారం ఫలితం ఎలా ఉంటుందో చూద్దం....

ఆర్ఎస్