ఔను.. మేమిద్దరం.. ఇష్టపడ్డాము..

Posted: 09/18/2014 04:22 PM IST

బాలీవుడ్ అగ్ర కథానాయిక కత్రినా కైఫ్ రన్ భీర్ కపూర్ తో ప్రేమలో పడింది. ఎక్కడికక్కడ సినీ జనాలు, మీడియా కంట పడినా.. తనకు రణభీర్ కు మధ్య ఏమీ లేదని అంటూ తెగ బిల్డప్ ఇచ్చేంది. ఇక రణబీర్ కూడా తానేం తక్కువ తిన్నానా.. అంటూ కైఫ్ కన్నా ఇంకా పెద్ద ఫోజే కోట్టేవాడు. బాలీవుడ్ యువత మనస్సును దోచుకున్న ఈ ఇద్దరు.. ఒకరి మనస్స మరోకరు దోచుకుని దోబూచులాడుతున్నారని సీనీ జనాలు కోడై కూస్తున్నారు. అయినా తమకేం పట్టనట్టు తమ సంబంధాల గురించి వీరు మాత్రం ఏమీ మాట్లడటం లేదు.

తాజాగా ఓ దినపత్రికకు కత్రినా కైఫ్ ఇచ్చిన ఇంటర్వ్యూలో కూడా రణభీర్ తో సంబంధంపై అడిగిన ప్రశ్నకు అమ్మడు మూతి ముచుకునే కూర్చుందట. తన వ్యక్తి గత జీవితాన్ని బహిర్గత పర్చడం తనకు ఇప్టం లేదని చెప్పిందట. అయినా మన మీడియా ఊరుకుంటోందా.. అందుకనే నేరుగా విషయానికి వచ్చిందట. రణభీర్ గురించి చెప్పండి అనగానే.. రణబీర్ తన జీవతంలో పెద్ద భాగమేనని బదులిచ్చిందట. అయితే ఎప్పుడు పెళ్లి చేసుకోవాలనుకుంటున్నారు, ఏమైనా ప్లాన్ చేశారా.. అన్న ప్రశ్నకు మాత్రం సమాధానం దాటవేసిందట. ఈ సమాధానంతో రోజు రోజు తమ మధ్య జరుగుతున్న విషయాలను బయటపెట్టలేమని చెప్పిందిట. తమ ఇద్దరి మధ్య వున్న అనుభంధంపై ప్రతీ ఒక్కరికీ వివరించాల్సి వస్తుందని అది తనకు ఇష్టం లేదని చెప్పిందట.

ఇన్నాళ్లు రణభీర్ తో తన ప్రేమ వ్యవహారాన్ని రహస్యంగా నడిపిన కత్రినా.. ఇవ్వను.. ఇవ్వను.. అంటూనే మీడియాకు చాలా ఎక్కువ సమాచారం ఇచ్చేసింది. పదే పదే అందరూ రణబీర్ విషయాన్నే ప్రస్తావించే సరికి ఉండబట్టలేకపోయిందో.. ఏమో అమ్మడు మీడియాకు రాసుకోవాల్సిన దాని కన్నా ఎక్కువే సమాచారం అందించింది. రేపో, మాపో రణబీర్, కత్రినా పెళ్లంటూ మీడియాలో కథనాలను మనం త్వరలోనే చూస్తాం..

జి.మనోహర్