ఉత్తేజ్ కూతుర్ని పిలిచింది ఎవరు..?

Posted: 09/18/2014 02:42 PM IST

తెలుగు తెరకు ఉత్తేజ్ సుపరిచితుడు, క్యారెక్టర్ ఆర్టిస్టుగా, అసిస్టెంట్ డైరెక్టర్, రచయిత, డబ్బింగ్ ఆర్టిస్టు ఇలా మల్టీ టాలెంట్ ఉన్న వ్యక్తిగా చాలా పాపులర్. ఉత్తేజ్ గొంతు ఆయనకు వరం అని అందరూ అంటుంటారు. ఇక అసలు విషయానికి వస్తే., ఉత్తేజ్ కూతురు త్వరలోనే సినిమాల్లో కన్పించునంది. డాటర్ ఆఫ్ ఉత్తేజ్ సినిమాల్లోకి వచ్చేందుకు సిద్దంగా ఉందని ఎప్పట్నుంచో వార్తలు వస్తున్నాయి. అయితే తాజా విషయం ఏమిటంటే ఆమెకు సినిమా ఖరారయిందని. ఓ స్టార్ హీరోతో త్వరలోనే సినిమాలో కన్పిస్తుందని ఫిలింనగర్ సమాచారం.

19ఏళ్ళ చేతన బాలనటిగా చాలా సినిమాల్లో నటించింది. అయితే అప్పుడు ఆమె అంతా పాపులర్ కాలేదు. కాని ఇప్పుడు మాత్రం ఉత్తేజ్ కూతురుగా హాట్ టాపిక్ అయింది. తక్కువ వయస్సున్నట్లు కన్పించే ఉత్తేజ్ కు ఇంత పెద్ద కూతురు ఉందా? అని సినీ వర్గాలంతా ఆశ్చర్యపోతున్నాయి. సినిమానే నమ్ముకున్న ఉత్తేజుడు కూతురిని కూడా పరిశ్రమకు పరిచయం చేసే పనిలో చాలాకాలంగా బిజీగా ఉన్నాడు. అతని కష్టం ఫలించి ఆమెకు సినిమా ఓకే అయ్యింది. స్టార్ హీరోతో తొలి సినిమా అంటే ఇదో అద్బుత అవకాశంగా చెప్పవచ్చు.

అయితే ప్రస్తుతానికి సినిమాకు సంబంధించి అంతా సీక్రెట్ గా ఉంచుతున్నారు. ఆఫర్ ఇచ్చింది ఎవరో తెలియటం లేదు. అటు హీరో ఎవరు, డైరెక్టర్ ఎవరు, కధ ఏమిటి ఇలా ఏ విషయం కూడా బయటకు రావటం లేదు. అయితే ఎందుకు తొందర సినిమా సెట్స్ పైకి రానీ., అన్ని వాటంతట అవే బయటకు వస్తాయని ఫిలింనగర్ వర్గాలు అంటున్నాయి. ఎంత దాచినా నిజం దాగదు కదా..!

కార్తిక్