Posted: 11/27/2012 05:19 PM IST

సౌత్ సినిమా ఇండస్ట్రీలో మంచి డైరెక్టర్ గా పేరు తెచ్చుకున్న దర్శకుడు శంకర్. ఈయన తీసిన సినిమాలు చూడటానికి జనాలు ఎగబడుతుంటారు. అలాంటి శంకర్ పై సినిమా ఇండస్ట్రీలో ఈ మధ్య కొన్ని గాసిప్స్ వినిపిస్తున్నాయి. ఈయన ప్రస్తుతం అత్యంత భారీగా తీస్తున్న సినిమా ‘ఐ’. ఈ సినిమా పొలిటికల్ అండ్ రొమాన్స్ ఎంటర్ ట్రైనర్ గా రూపొందిస్తున్నాడు. సినిమా వర్గాల గాసిప్స్ ప్రకారం.... ఈ చిత్రం ‘రన్నింగ్ ఆఫ్ కర్మ ’ (2003) అనే చైనీస్ చిత్రం ఆధారంగా రూపొందుతోందట. ఆస్కార్‌ ఫిలిమ్స్‌ ప్రై.లి. సంస్థ పై భారీగా వి.రవిచంద్రన్‌ ఈ చిత్రానికి భారీ బడ్జెట్ పెడుతున్నాడు. ఈ చిత్రం స్టోరీ ప్రకారం... చైనీస్ చిత్రం కథ ప్రకారం..హీరో ఓ బౌధ్ద సన్యాసి. అతనికి ఇతరుల జీవితాల్లోకి చూడగలిగే వరం ఉంటుంది. అతను ఓ లేడీ పోలీస్ అధికారికి పరిచయమవుతాడు. ఆమె ఓ క్రిమినల్ ని పట్టుకోవాలనే ప్రయత్నంలో ఉంటుంది. ఆమెకు ఈ సన్యాసి తన శక్తులతో ఆ క్రిమినల్ ని పట్టుకోవటానికి సాయిం చేస్తాడు. అతను తన స్నేహితుడు మర్డర్ కి గురి అవటంతో తన ఆశ్రమం వదిలి బయిటకు వచ్చి ఆ కిల్లర్ ని పట్టుకోవాలని తిరుగుతున్నాడని ఆమెకు అర్దం అవుతుంది. అయితే ఆ పోలీస్ కూడా త్వరలో చనిపోవాలని రాసి పెట్టి ఉంటుంది. ఆ తర్వాత ఏం జరిగింది అనేది మిగతా కథ. అయితే సినీ జనాలు మాత్రం శంకర్ కూడా కథలను కాపీ కొట్టి తీస్తాడా అని ఆశ్చర్యపోతున్నారు. ఇది శంకర్ సొంత స్టోరీనా, లేక చైనీస్ చిత్రం స్టోరీనా తెలుసుకోవాలంటే... చిత్రం విడుదల వరకు ఆగాల్సిందే.