Posted: 11/05/2012 12:33 PM IST

ఏంటి టైటిల్ చూసి హీరో వెంకటేష్ కి ఇదే చివరి చిత్రం అని అనుకుంటున్నారా ? మీరు అలా పొరబడితే... పప్పులో కాలేసినట్లే.... ప్రస్తుతం వెంకటేష్ భారీ ప్లాపుల దర్శకుడిగా ఇండస్ట్రీలో పేరు తెచ్చుకున్న మెహర్ రమేష్ దర్శకత్వంలో  ‘షాడో ’ సినిమా చేస్తున్నాడు.  ఇప్పుడు మనం మాట్లాడుకునేది కూడా అతని గురించే. దర్శకుడు మెహర్ రమేష్ గతంలో ఎన్టీఆర్ తో ‘శక్తి ’ సినిమా తీసి భారీగా నష్టపోయాడు. ఆ తరువాత నుండి ఏ హీరో కూడా అతనికి ఛాన్స్ ఇవ్వలేదు. చివరికి వెంకటేష్ ఇచ్చాడు. ఈ సినిమా కూడా హై బడ్జెట్ తో , వెంకటేష్ మార్కెట్ ని మించి ప్రొడ్యూసర్ తో ఖర్చు పెట్టిస్తున్నాడని అంటున్నారు. ఇక ఈ చిత్రం కనుక ప్లాపు అయితే మెహర్ రమేష్ ఇండస్ట్రీలో ఉండటం కష్టమే అంటున్నారు విశ్లేషకులు. పైగా, ‘షాడో’ చిత్రం ఓ రెండుమూడు హాలీవుడ్ చిత్రాల కలయిక అనే ప్రచారమూ జరుగుతోంది. వెంకటేష్ కి ఓ గెటప్ చూపించి ప్రాజెక్ట్ పట్టాలెక్కించేశారనీ సమాచారం. సినిమా హిట్ అయితే ఓ మైలురాయిగా,  కొంచెం అటూ ఇటూ అయితే.... ఇండస్ట్రీ నుండి తట్టా బుట్ట సర్దుకొని పోవాల్సిందే అంటున్నారు.