Posted: 11/05/2012 06:15 PM IST

టాలీవుడ్ లో క్రియేటివ్ డైరెక్టర్ గా పేరు తెచ్చుకున్న పూరీ జగన్నాథ్ తరువాత ఫాస్టెస్ట్ చిత్రాల దర్శకుడిగా పేరు తెచ్చుకొని సంవత్సరానికి మినిమం మూడు సినిమాలు చేస్తున్నాడు. ఏ హీరోతోనైనా సినిమా తీయాలనుకుంటే... పది, పదిహేను రోజుల్లో కథ రాసేసుకొని, అరవై, డెబ్భై రోజుల్లో సినిమా తీసేసి తీరిగ్గా కూర్చుంటున్న పూరీకి ఇక ముందు అలాంటి ఆటలు సాగేలా లేవు. హిట్లు, ఫ్లాపుతో సంబంధం లేకుండా, ఒకదాని తరువాత ఒకటి తీసుకుంటూ పోతున్న ఆయనకు ఈమధ్యన బాగానే పంచ్ లు పడ్డాయి. ఆ మధ్యన మహేష్ బాబుతో తీసిన బిజినెస్ మేన్ అతని ఇమేజ్ కి కమర్షియల్ గా హిట్ అయింది. రాణాతో తీసిన నేను నా రాక్షసి, రవితేజతో తీసిన దేవుడు చేసిన మనుషులు, పవన్ కళ్యాణ్ తో తీసిన కెమెరామెన్ గంగతో రాంబాబు సినిమాలు బాక్సాఫీసు వద్ద బోల్తా కొట్టాయి. దీంతో ఇతని పై విపరీతంగా విమర్శలు వస్తున్నాయి. అంతే కాకుండా ఇతనితో సినిమాలు చేయడానికి కూడా ఏ హీరో సాహసించడం లేదని అంటున్నారు.

ప్రస్తుతం బన్నీతో చేస్తున్న ఇద్దరు అమ్మాయిలతో తరువాత మళ్ళీ మహేష్ బాబుతో ఓ సినిమా చేయడానికి ప్లాన్ చేశాడట. ఇందులో భాగంగా తను తక్కువ టైంలో రాసుకున్న కథను మహేష్ బాబుకి వినిపిస్తే... ఏవో నాలుగు డైలాగులు రాసుకొని వస్తే సినిమా చేయడం అంటే కష్టం. మీరు టైం తీసుకొని స్ట్రాంగ్ గా కథ రాసుకొని వస్తేనే నేను చేస్తానని చెప్పాడట. ఒక మహేష్ బాబే కాకుండా మిగతా హీరోలు కూడా ఇదే ఫార్ములా ఫాలో అవుతున్నారట. ఇటీవల పవన్ సినిమా కూడా పూరీ అశ్రద్ధ వల్లే పోయిందనే వార్తలు టాలీవుడ్ లో జోరుగా వినిపిస్తున్నాయి. ఇక ముందు పూరీ ఇలాంటి సినిమాలే చేస్తే ఇండస్ట్రీని నుండి పోయినా ఆశ్చర్యపడనక్కర్లేదంటున్నారు సినీ జనాలు. మరి ఇకనైనా ఒళ్ళు దగ్గరపెట్టుకొని స్టోరీలు రాసి సినిమాలు చేస్తాడో లేదో చూడాలి.