Posted: 10/11/2012 01:45 PM IST

టాలీవుడ్ లో నెంబర్ రేసులో దూసుకుపోతున్న హీరోలలో పవన్ కళ్యాణ్ ఒక్కడు. పవర్ స్టార్ గా విపరీతమైన ఫ్యాన్ ఫాలోయింగ్ ని సంపాదించుకున్న పవన్ కళ్యాణ్ తో ఏ దర్శక నిర్మాత అయినా  సినిమా తీస్తే కలెక్షన్ల పరంగా  అతనికి ఢో్కా ఉండదు. అలాంటి పవర్ స్టార్ పవన్ కళ్యాణ్ సినిమా కథల విషయంలో మాత్రం  ఇతర హీరోలు రిజెక్టు చేసిన కథలు ఎంచుకుంచుంటున్నాడని  సినీ జనాలు అంటున్నారు. గతంలో పూరీ జగన్నాథ్ తీసిన ఇడియట్, అమ్మా నాన్న ఓ తమిళ అమ్మాయి లాంటి సినిమా కథలు పవన్ కళ్యాణ్ కి పూరి చెప్పాడు. కానీ వాటిని పవన్ రిజెక్టు చేయడంతో రవితేజతో తీసి సూపర్ హిట్ కొట్టారు. ఈ విషయాన్ని పూరి ఎన్నోసార్లు బాహాటంగానే చెప్పాడు. కానీ ఈసారి సీన్ రివర్స్ అయింది. చాలా కాలత తరువాత పూరీ జగన్నాథ్ పవన్ కళ్యాణ్ తో కెమెరామెన్ గంగతో రాంబాబు సినిమా చేస్తున్నాడు.

ఈ సినిమా స్టోరీ గత నాలుగు సంవత్సరాల క్రితమే రాసుకున్నాడట. మొదట ఈ కథను రవితేజకి వినిపించాడట. కానీ రవితేజ ఆ కథను రిజెక్టు చేసి, ఈ కథ నాకంటే పవన్ కళ్యాణ్ కి అయితే బాగుంటుందని  చెప్పడంతో పూరీ పవన్ కి కథ వినిపించడానికి  నాలుగు సంవత్సరాలు  పట్టిందట. ఈ కథ విన్న పవన్ కళ్యాణ్ వెంటనే సినిమా చేయడానికి  ఒప్పుకున్నాడట. ఇక ఈ సినిమా గురించి పూరీ మాత్రం గొప్పలు చెబుతున్నాడు. ఈ సంవత్సరం వచ్చిన గబ్బర్ సింగ్ సినిమా కంటే కెమెరామెన్  గంగతో రాంబాబు సినిమా బ్లాక్ బస్టర్ గా నిలుస్తుంది. ఈ సినిమాకి పవన్ కి నంది అవార్డులు కూడా రావడం  అని చెబుతున్నాడు. మరి పూరి మాటల్లో ఎంత నిజముందో తెలియాలంటే ఈ సినిమా విడుదల వరకు ఆగాల్సిందే.