Posted: 09/04/2012 08:32 PM IST

కొంత మంది సినిమా హీరోలకు ఎంత వయస్సు వచ్చినా వాళ్లలో కోరికలు చచ్చిపోవు. వారు జీవితంలో ఎంత పేరు, హోదా, డబ్బు సంపాదించినా అవి చాలవన్నట్లుగా డబ్బుకోసం ఆశపడి, వయస్సు మీద పడినా సినిమాలు చేస్తూ జనాలను ఒక రకంగా హింసిస్తుంటారు. ఇప్పటి వరకు టాలీవుడ్ లో స్టార్ హీరోలుగా పేరు తెచ్చుకున్న వాళ్ళలో చిరంజీవి ఒక్కడే ప్రస్తుతానికి సినిమాలకు దూరంగా ఉంటున్నాడు. మిగతా హీరోలు అయినా నాగార్జున, వెంకటేష్, బాలక్రిష్ణ లాంటి వాళ్లు ఇంకా సినిమాల్లో నటిస్తూనే ఉన్నారు. అయితే చిరంజీవి లాగ మరికొన్ని ఒక రౌండ్ ఫిగర్ వచ్చేవరకు సినిమాలు చేసి తరువాత రాజకీయాల్లోకి వద్దామనుకున్న బాలయ్యకు ఆ కోరిక నెరవేరేట్లు లేదు. ఇక బాలయ్య సినిమా కెరీర్ క్లోజ్ అయిపోయినట్లే అని అనుకుంటున్న సమయంలో ‘సింహా ’ లాంటి బ్లాక్ బస్టర్ ని తన ఖాతాలో వేసుకొని తనలో ఏ మాత్రం చేవ తగ్గలేదని నిరూపించుకున్నాడు. ఆ తరువాత నుండి సినిమాల మీద సినిమాలు తీస్తున్నాడు.

కానీ ఆ సినిమా తరువాత బాలయ్య ఖాతాలో ఒక్కటి అంటే ఒక్క హిట్టు లేదు. దాంతో మళ్ళీ ఒక బ్లాక్ బస్టర్ హిట్టు కొట్టి బాక్సాఫీసుకి కొన్ని రోజులు దూరంగా ఉండి 2014 ఎన్నికల లోపు తన  తండ్రి స్థాపించిన పార్టీలో క్రియాశీల రాజకీయాల్లో పాలు పంచుకోవాలని అనుకున్నాడు. కానీ మొన్న వచ్చిన ‘శ్రీమన్నారాయణ ’ కూడా  పేలడంతో బాలక్రిష్ణ  సందేహంలో పడ్డాడు.  ప్రస్తుతం బాలక్రిష్ణ చేతిలో ఓ నాలుగు సినిమాలు ఉన్నాయి. అయితే వాటిని కొంత కాలం ఆగి స్టార్ట్ చేయాలా ? లేక ఏదొ ఒక కథని తీసుకొని హిట్టుకొట్టి విరామం తీసుకోవాలా ? అనే మీమాంసలో బాలక్రిష్ణ ఉన్నాడు.

అయితే సినిమా జనాలు మాత్రం ముఖంలో ముసలి ఛాయలు స్పష్టంగా కనబడుతున్నా, వరసు ప్లాపులు వస్తున్నా సినిమాల మీద సినిమాలు తీస్తూ జనాన్ని చావదొబ్బుతున్నాడని,  అయినా బాలక్రిష్ణకి సినిమాలపై కోరిక తీరలేదని అనుకుంటున్నారు.