" alt="Public Talk on Prabhas Rebel Movie Teaser.png" />

Posted: 08/21/2012 09:02 PM IST

ఈ సీజన్ లో స్టార్ హీరోల చిత్రాలు వచ్చి బాక్సాఫీసు కలెక్షన్ల పంట పండిస్తుంటే... రెబల్ స్టార్ ప్రభాస్ చిత్రం మాత్రం ఈ సీజన్ లో తెర పైకి రాలేదు. ఈయన నటించిన మిస్టర్ ఫర్ ఫెక్ట్ వచ్చి ఏడాది కావస్తుంది. ఆ సినిమా విడుదల తరువాత రాఘవ లారెన్స్ దర్శకత్వంలో ప్రభాస్ ‘‘రెబల్ ’’ చిత్రాన్ని చేస్తున్నాడు. ఈ చిత్రం షూటింగు చాలా రోజుల నుండే జరుగుతున్నా ఇంత వరకు మాత్రం విడుదల కాలేదు. ప్రభాస్ రెబల్ చిత్రం కోసం అభిమానులు కళ్ళు కాయలు కాసేలా చూస్తున్నారు. ఇన్ని రోజుల నుండి సాగదీస్తూ వస్తున్న ఈ చిత్రం యొక్క టీజర్ భారీ హంగామా మధ్య ఇటీవలే విడుదల చేశారు.ప్రభాస్ స్టైల్స్ ఇందులో కేక పుట్టిస్తాయని అనుకున్నారు.

కానీ ఈ చిత్రం టీజర్ చూసిన ప్రబాస్ ఫ్యాన్స్ ఒక్కసారి నిరాశకు గురయ్యారట. ఎందుకంటే ఈ టీజర్ లారెన్స్ గత చిత్రాల మాదిరిగానే ఉండటం ఒకటైతే, ఈ సినిమా కోసం తన బాడీ షేపుని మార్చుకున్న ప్రభాస్ ని స్టైల్ గా చూపించకపోవడతో వారు తీవ్ర నిరాశకు గురయ్యారని ఫిలింనగర్ టాక్. సినిమాలో కూడా ప్రభాస్ ని ఈ విధంగానే చూపిస్తే ఈ చిత్రం పై అంచనాలు కూడా పెంచుకోవడం కూడా అత్యాశే అవుతుందని అనుకుంటున్నారు. మరి ప్రభాస్ ‘రెబల్ ’ అభిమానుల్ని ఎంతమేరకు ఆకట్టుకోగలదో తెలియాలంటే సినిమా విడుదల వరకు ఆగాల్సిందే.