జగన్ సభలో పంచ్ డైలాగులు

Posted: 10/26/2013 06:29 PM IST

వైఎస్ఆర్ కాంగ్రెస్ పార్టీ అధినేత వైఎస్ జగన్మోహన్ రెడ్డి ఈరోజు సమైక్య శంఖారావం సభలో కొన్ని సెంటిమెంట్ లాంటి పంచ్ డైలాగులు జగన్ చెప్పటం జరిగింది.

చెడిపోయిన రాజకీయ వ్యవస్థలో నిజాయితీని చూడడానికి ఆరాటపడుతున్న ప్రతి ఒక్కరికి సలాం చేస్తున్నానని వై.ఎస్.ఆర్.కాంగ్రెస్ అధ్యక్షుడు జగన్మోహన్ రెడ్డి అన్నారు.

 

రాజకీయం అంటే ఓట్లు, సీట్లు మాత్రమే కాదని, పేదవాడి గుండె చప్పుడు అని, పేదవాడికి మేలు చేయడమే రాజకీయమని, చెప్పడానికి ఆరాటపడుతున్న ప్రతిహృదయానికి సలాం చేస్తున్నానని జగన్ అన్నారు.

 

మనుషులం..ఆట వస్తువులం కాదు..రాజకీయ చదరంగంలో పావులం అంతకన్నా కాదు..అన్యాయం చేస్తే ఊరికే కూర్చోం. వందేమాతరం గేయం అందుకుంటాం.విప్లవ గీతం అందుకుంటాం.

 

బంగళాఖాతంలో కలపడానికి వెనుకాడం అని చెప్పడానికి ఆరాటపడుతున్న ప్రతి హృదయానికి సలాం చేస్తున్నానని జగన్ సెంటిమెంటు జోడించి చెప్పారు.

 

గత ఎనభై రోజులుగా రైతన్న నాగలి పక్కన బెట్టి విభజిస్తే నాకు నీళ్ళు ఎక్కడ నుంచి వస్తాయని ఉద్యమబాట పట్టాడు రైతన్న. అక్కచెల్లెళ్లు నడి రోడ్డుపై కి వచ్చి చంకలో ఉన్న చంటిపిల్లాడిభవిష్యత్తు ఏమిటని అడుగుతూ రోడ్డెక్కారు అని జగన్ అన్నారు.

ఇలాంటి సెంటిమెంట్ డైలాగులతో.. జగన్ సభకు వచ్చిన వారిని ఆట్టుకోవటం జరిగింది.