బొత్స ఛానల్ బిచానా ఎత్తేయనుంది ?

Posted: 10/25/2013 08:51 AM IST

మన రాష్ట్రానికి చెందిన ప్రముఖ రాజకీయ నాయకుడికి చెందిన టీవీ ఛానల్ త్వరలో మూతపడనుందని గత కొన్ని రోజులుగా ప్రచారం జరుగుతున్న విషయం తెలిసిందే. ఆ ఛానల్ ఏ రాజకీయ నాయకుడికి చెందినది ? ఆ ఛానల్ పేరు ఏంటి ? పీసీసీ ఛీప్ బొత్స సత్యనారాయణ గత కొంత కాలం క్రితం కొనుగోలు చేసిన జీ 24 గంటల న్యూస్ ఛానల్ నుండి బొత్స సత్యనారాయణ వర్గం వైదొలిగినట్లు ఆ ఛానల్ ఎటిటర్ అయిన శివ ప్రసాద్ అధికారిక ప్రకటన చేశారు.

దీంతో ఏ ఛానల్ మూత పడుతుందో అని ఉన్న సందేహాలకు తెర పడింది. బొత్స సత్తిబాబుకు చెందిన ఈ ఛానల్  ప్రముఖులు అయిన అక్కినేని నాగార్జున, డిజీపీల పై న్యూస్ ప్రసారం చేయడంతో చాలా ఇబ్బందులు ఎదుర్కోవాల్సి రావడంతో బొత్స టీం వచ్చేనెల 1 నుండి అధికారికంగా తప్పుకుంటున్నట్లు తెలుస్తుంది. దీంతో ఇన్నిరోజులు దీన్ని నమ్ముకొని పనిచేసిన సిబ్బంది భవితవ్యం ప్రశ్నార్థకంగా మారిందని శివ ప్రసాద్ తన ఆవేదనను తెలిపారు. సిబ్బందిని కొత్త కొలువులు చూసుకోవాల్సిందిగా సూచించారు.

ప్రస్తుతం మీడియా ఛానల్ ల పరిస్థితి అంతంత మాత్రంగానే ఉంది. టీఆర్ పీ రేటింగులను బట్టే ఆ ఛానల్ కి పాపులారిటీ వస్తుంది. మార్కెట్లో ప్రస్తుతం ఉన్న పోటీని తట్టుకోవడానికి నానా అవస్థలు పడుతున్న టీవీ ఛానల్స్ ముందు ముందు ఎన్ని మూతపడతాయో చెప్పలేం అంటున్నారు. ఈ జీ 24 గంటల ఛానల్స్ కోసం త్వరలో డిల్లీకి  చెందినా ఓ టీం హైదరబాద్‌ రానుంది. ఈ చానల్‌ భవితవ్యం తేల్చనుంది. మొత్తానికి బొత్స నిండా మునగముందే దీనిని నుండి తప్పుకున్నాడని కూడా అంటున్నారు.