కిరణ్ ముందు కేసిఆర్ రహస్యాలను చెప్పిన విజయశాంతి

Posted: 09/14/2013 01:51 PM IST

తెలంగాణ రాములమ్మగా పేరుతెచ్చుకొని, తెలంగాణ ఉద్యమానికి ఉడుత సహాయం చేసిన నటి విజయశాంతి. తెలంగాణ కోసం నా ప్రాణం ఉన్నంతవరకు పోరాటం చేస్తానని శపథం చేసిన రాములమ్మ. తెలంగాణ తల్లి పార్టీ పెట్టుకొని, తెలంగాణ ప్రజలకు దగ్గరైన విజయశాంతి. ఆర్థిక ఇబ్బందులతో సతమతమవున్న తన పార్టీని కేసిఆర్ చేతిలో పెట్టి, ఆయనకు రెడిమెడ్ చెల్లెమ్మగా రాములమ్మ మారిపోయింది. రెడీమెడ్ చెల్లెమ్మ రాకతో కేసిఆర్ కు కొండ బలం వచ్చినట్లు మీడియా ముందు రంకేలు వేయటం జరిగింది. అయితే ఈ ఇద్దరి అన్న చెల్లెల్ల అనుబంధం కొన్ని సంవత్సరాలకే పరిమితమైన విషయం తెలిసిందే. రాఖీ పండగ ముందే.. కేసిఆర్ రాములమ్మ విడిపోయారు. అయితే కొత్తగా రాష్ట్ర ముఖ్యమంత్రి నల్లారి కిరణ్ కుమార్ రెడ్డి ఆద్వర్యంలో కాంగ్రెస్ పార్టీలోకి రాములమ్మ హై జంప్ చేయటం జరిగింది. అయితే నిన్న ముఖ్యమంత్రి పుట్టిన రోజు సందర్భంగా.. విజయశాంతి శుభాకాంక్షాలు తెలిపినట్లు సమాచారం. అయితే ఈ సందర్భలోని .. సీఎంతో విజయశాంతి దాదాపు రెండు గంటల పాటు మంతనాలు సాగించి, సీఎం ఇచ్చిన తేనేటీ విందును ఆరగించి వెళ్లినట్లు కాంగ్రెస్ పార్టీ నాయకులు అంటున్నారు. అయితే ఈ సమావేశంలో రాములమ్మ కేసిఆర్ తో కలిసి చేసిన రహస్య చిట్టా మొత్తం విప్పినట్లు సమాచారం. అంతేకాకుండా కేసిఆర్ చేసే ప్రతి పని వెనుక ఉన్న సీక్రెట్స్ ను బయటపెట్టిందని కాంగ్రెస్ నాయకులు అంటున్నారు. ఉద్యమం కోసం కేసిఆర్ తొక్కిన అడ్డదారులను, ఓయూ విద్యార్థుల జీవితాలతో కేసిఆర్ ఆడిన నాటకాలను, ఉద్యమంలో విద్యార్థులు ఆత్మహత్యలు చేసుకోవటానికి కారణం కేసిఆరే అని రాములమ్మ సీఎంతో చెప్పినట్లు గాంధీ భవన్ లోని కాంగ్రెస్ కార్యకర్తలు గుసగుసలాడుకుంటున్నారు. కేసిఆర్ చిట్ట తెలుసుకున్న సీఎం త్వరలో ఢిల్లీ కి వెళ్ళాటానికి రెడీ అవుతున్నట్లు పార్టీలోని సినీయర్ నాయకులు అంటున్నారు. అయితే కేసిఆర్ పై ఉన్న పగను రాములమ్మ ఇప్పటి నుంచే తీర్చుకుంటుందని కాంగ్రెస్ నాయకులు చెవులుకొరుకుంటున్నారు. అయితే రెడీమెడ్ చెల్లెమ్మకు కేసిఆర్ అన్నయ్య ఎలాంటి షాకిస్తాడో చూడాలని కాంగ్రెస్ నాయకులు ఎదురుచూస్తున్నారు.