మోడికి గ్రీన్ సిగ్నల్ -కుమిలిపోతున్న కిషన్ రెడ్డి?

Posted: 09/14/2013 01:07 PM IST

బిజేపి రాష్ట్ర అధ్యక్షుడు ఎమ్మెల్యే కిషన్ రెడ్డి కుమిలిపోతున్నాడు అనే మాటలు రాజకీయ నాయకుల్లో వినిపిస్తున్నాయి. ఇటీవల కాలంలో కిషన్ రెడ్డి అందరు ముందు కామేడిగా మాట్లాడుతున్నారు. అంతేకాకుండా ఇటీవల ఆయన చేసిన మౌన దీక్షలు కూడా కిషన్ రెడ్డి పెద్ద మైనస్ పాయింట్ గా మారింది. రాష్ట్ర విభజన ప్రకటన వచ్చిన నాటి నుండి కిషన్ రెడ్డి ముఖంలో ఆనందం అనేది కనిపించలేదు. పైకి మాత్రం విభజన ప్రకటన మా వల్లే జరిగిందని తెలంగాణ ప్రజల ముందుకు తీసుకేళ్లే ప్రయత్నం చేశారు. తెలంగాణ విభజన మా వల్లే వచ్చిందని టిఆర్ఎస్ నాయకులు కూడా గొప్పలు చెప్పుకుంటున్నారు. అయితే కిషన్ రెడ్డి మాత్రం ఒకేసారి అటూ సమైక్యాంద్ర దెబ్బ, ఇటూ తెలంగాణ దెబ్బ తగిలిందని కాంగ్రెస్ నాయకులు అంటున్నారు. జై తెలంగాణ అన్నందుకు.. సీమాంద్రలోని బీజేపి నాయకులు పార్టీ కార్యాలయలకు తాళాలు వేసినట్లు మీడియ వర్గాలు అంటున్నాయి. ఇటు తెలంగాణలో అదే పరిస్థితి ఉన్నట్లు టిఆర్ఎస్ నాయకులు అంటున్నారు. అంతేకాకుండా ఇటీవల పార్టీలోకి చేరిన నాగం జనార్థన్ రెడ్డి కి కిషన్ రెడ్డిల మద్య అంతర్గత యుద్దం జరుగుతున్నట్లు ఆ పార్టీ కార్యకర్తలే బయట చెబుతున్నారు. నాగం రాకతో.. కిషన్ రెడ్డికి పార్టీలో కొంచెం ప్రాదాన్యత తగ్గినట్లు కనిపిస్తుందని ఆ పార్టీలోని సినియర్ నాయకులు అంటున్నారు. ఏపీ ఎన్జీవో సభకు తెలంగాణ నేతలు బంద్ ప్రకటిస్తే.. అందుకు నాగం మద్దతు తెలిపిన విషయం తెలిసిందే. అయితే కిషన్ రెడ్డి మాత్రం తెలంగాణ బంద్ కు బీజేపి మద్దతు ఇవ్వదని మీడియా ప్రకటన చేయటం జరిగింది. దీంతో తెలంగాణలో కిషన్ రెడ్డి కమలం పువ్వుకు తెలంగాణ ప్రజలు చెక్ పెట్టారు. దీంతో కిషన్ రెఢ్డికి పార్టీ పెద్దల నుండి అంక్షింతాలు పడినట్లు పార్టీ వర్గాలు అంటున్నాయి. అంతేకాకుండా ప్రధాని మంత్రి గా మోడీ ని ఎన్నుకోవటం పై కిషన్ రెడ్డి కొంచెం అసహనంగా ఉన్నట్లు సమాచారం. అద్వానీ పై ఆశపెట్టుకున్న కిషన్ రెడ్డి పార్టీ పెద్దలు షాక్ ఇవ్వటంతో.. కిషన్ రెడ్డి కుమిలిపోతున్నట్లు పార్టీ వర్గాలు అంటున్నాయి.