రెడ్డి కులం పై కామెంట్స్ చేసిన దాసరి నారాయణరావు

Posted: 09/13/2013 12:13 PM IST

దాసరి అంటే ఒకప్పుడు మంచి హిట్ సినిమాలు తీసే దర్శకుడు అని మంచి పేరు ఉండేది. కానీ ఇప్పటికే టాలీవుడ్ ప్రముఖ దర్శకుడుగా పేరు ఉంది. కానీ ఆయన నోటి దురుసు వల్ల , దాసరి నారాయణరావుకు సినిమా ప్రముఖులు, సొంత వ్యక్తులు దూరం అవుతున్న విషయం తెలిసిందే. దాసరి ఏదైన ఫంక్షన్ కు పిలిస్తే.. ఆయన ఏ కామెంట్స్ చేస్తారో అని భయపడి పిలవకుండా ఉండేవారు రోజు రోజుకి పెరిగిపోతున్నారు. కొంతమంది అయితే కావాలని దాసరిని పిలిపించుకొని, తమ ఫంక్షన్ ను హిట్ చేసుకుంటున్నారు. జరుగుతున్న ఫంక్షన్ గురించి వదిలిపెట్టి, కొత్త విషయాలను, ఆ ఫంక్షన్ కు సంబంధంలేని విషయాలపై దాసరి కామెంట్ చెయ్యటమే ఆయనకు శత్రువుల సంఖ్యను పెంచుతుందని టాలీవుడ్ పెద్దలు అంటున్నారు. అయితే రీసెంట్ గా దాసరి రెడ్డి కులం పై కామెంట్ చేయటం జరిగింది. సినిమా అవార్డులకు కులం రంగు చూపుతున్నారంటూ దర్శకుడు దాసరి నారాయణరావు సంచలన వ్యాఖ్యలు చేశారు. రఘుపతి వెంకయ్యనాయుడు అవార్డులో నాయుడును తొలగించిన ప్రభుత్వం బిఎన్ రెడ్డి, నాగిరెడ్డి అవార్డుల్లో రెడ్డిని ఎందుకు తొలగించలేదంటూ ప్రశ్నించారు. హైదరాబాద్ లో జరిగిన 'రఘుపతి వెంకయ్యనాయుడు' సినిమా ఆడియో రిలీజ్ ఫంక్షన్ లో పాల్గొన్న ఆయన ఈ విధంగా వ్యాఖ్యలు చేశారు. దాసరి చేసిన కామెంట్స్ పై టాలీవుడ్ రెండు వర్గాలుగా విడిపోయే ప్రమాదం ఉందని టాలీవుడ్ ప్రముఖులు అంటున్నారు. ఇప్పటి వరకు టాలీవుడ్ లో కులం రంగును ఎవరు పెద్దగా పట్టించుకోలేదని, అందరు కళకారులుగానే ఉన్నారని టాలీవుడ్ జనాలు అంటున్నారు. అయితే దాసరి చేసిన కామెంట్స్ వలన టాలీవుడ్ లో కులం సునామీ వస్తుందని టాలీవుడ్ వాసులు అంటున్నారు. అయితే దాసరి చేసిన వ్యాఖ్యలను సమర్థించే వారు కూడా టాలీవుడ్ లో ఉన్నరని టాలీవుడ్ పెద్దలే అంటున్నారు. దాసరి నిజం మాట్లాడినట్లు కొంతమంది చాటు, మాటుగా మద్దతు తెలుపుతున్నారని టాలీవుడ్ బోగట్ట. నాయుడు ను తొలగించిన ప్రభుత్వం రెడ్డి ని ఎందుకు తొలగించలేదు అనే అనుమానం టాలీవుడ్ లో అందరికి కలుగుతుందని..ఫిలింనగర్ గుసగుసలాడుకుంటున్నారు.