జగన్ దీక్ష ఎందుకు విరమించాలి?

Posted: 08/30/2013 05:58 PM IST

ఆరోజులకే జగన్ దీక్ష విరమిస్తున్నాడు అనే విషయం పై ఆ పార్టీ నాయకులు, సీమాంద్ర ప్రజలు మండిపడుతున్నారు. వైఎస్ విజయమ్మ జగన్ ను ఎందుకు దీక్ష విరమించాలాని కోరుతుంది. ఆ పార్టీలోని ముఖ్య నాయకులు సమవేశం అయిన తరువాత ఏం జరిగింది. సమావేశంలో పార్టీ నాయకులు ఏం మాట్లాడుకున్నారు అనే విషయం ఎందుకు చెప్పటం లేదు? జగన్ దీక్ష వల్ల జరిగే నష్టం ఏమిటి? అది ఏ పార్టీకి నష్టం జరుగుతుంది? వైఎస్ విజయమ్మ జగన్ దీక్ష పై ఎందుకు ఆందోళన చెందుతుంది? ఏమైన, ఎవరైన ఒత్తిడి పెంచారా? లేక బెదిరించారా? అనే ప్రఃశ్నలకు సమాధానం దొరకటంలేదు. సమైక్యాంద్రకు మద్దతుగా జగన్ చేస్తున్న దీక్ష కు ప్రజల నుండి భారీ మద్దతు లభిస్తున్న సమయంలో వైఎస్ఆర్ కాంగ్రెస్ పార్టీ వెనకడుగు వేయటం పై సీమాంద్ర ప్రజలు ఆగ్రహం వ్యక్తం చేస్తున్నారు. మాటం తప్పం , మడమ తిప్పం అన్నవాళ్లు ఈరోజు జరుగుతున్న విషయం పై ఏమానుకోవాలి. ఢిల్లీ పెద్దల నుండి వైఎస్ఆర్ కాంగ్రెస్ పార్టీకి బెదిరింపుకాల్స్ రావటం వలనే జగన్ దీక్ష విరమిస్తున్నాడా? అనే అనుమానం సామాన్య ప్రజలకు కూడా కలుగుతుందని రాజకీయ విశ్లేషకులు అంటున్నారు. జగన్ దీక్ష వల్ల ఎవ్వరికి లాభం ఉందో, ఎవ్వరికీ నష్టం ఉందో తెలియదు కానీ, ఢిల్లీ పెద్దలకు భయం పట్టుకుందనే విషయం బాగా అర్థం అవుతుందని వైసీపీ కార్యకర్తలు అంటున్నారు. ఇటీవల ఢిల్లీలో వైఎస్ విజయమ్మ ఢిల్లీ పెద్దలను కలిసిన తీరే ఇందుకు నిదర్శనం అని అంటున్నారు. జగన్ దీక్ష విరమిస్తే.. మాత్రం ఇక ఎవరైన దీక్ష అంటే విలువ లేకుండా పోతుందని సీమాంద్ర ప్రజలు అంటున్నారు. తల్లి కాంగ్రెస్, పిల్ల కాంగ్రెస్ అనే మాటలు గుర్తుకు వస్తున్నాయని టిడిపి నాయకులు అంటున్నారు. సోనియా గాంధీ కోరిక మేరకే వైఎస్ జగన్ దీక్ష విరమిస్తున్నారని టిడిపి నాయకులు విమర్శిస్తున్నారు.