బాలయ్య కూతురి పెళ్లిలో చంద్రబాబు హడాహుడి?

Posted: 08/21/2013 12:20 PM IST

ఎప్పుడు రాజకీయ సమస్యలతో బిజీగా ఉండే చంద్రబాబు ఈ రోజు ఉదయం చాలా ప్రశాంతంగా పెళ్లి పెద్ద పాత్ర పోషించాడు. తన బావమరిది కూతురి పెళ్లి మండపంలో చంద్రబాబు చాలా హడాహుడిగా కనిపించారు. బాలకృష్ణ రెండో కుమార్తె తేజస్విని, భరత్ ల వివాహవేడుక హైటెక్స్ లో అంగరంగవైభవంగా జరిగింది. బాలయ్య కూతురి పెళ్లికి వచ్చిన అథితులను చంద్రబాబు దంపతులు, లోకేస్ దంపతులు అందర్నీ సాదరంగా ఆహ్వానించి అతిథి మర్యాదలు చేశారు. పెళ్లికి వచ్చిన అతిథులు .. నందమూరి కుటుంబ సభ్యులను, నారా వారి కుటుంబ సభ్యులను ఒకే చోట చూసే ఆనందం కలిగింది.

చంద్రబాబు మాత్రం పెళ్లి వచ్చిన అథితులను చిన్న పెద్ద తేడా లేకుండా అందరికి అతిథి మర్యాదలు చెయ్యటం అందర్ని ఆశ్చర్యపరిచాయి. పెళ్లి పెద్దగా వచ్చినప్పటికి చంద్రబాబు మాత్రం తన ఇంట్లో పెళ్లి అన్న విధంగా వ్యవహరించటంతో తెలుగుదేశం నాయకులు ఆనందంగా ఉన్నారు. అయితే చంద్రబాబు, దగ్గుపాటి వెంకటేశ్వర్ల మద్య కొద్ది సేపు మాటల ముచ్చట జరిగినట్లు టీడీపీ నాయకులు అంటున్నారు. ఇద్దరు ఒకే ఇంటి అల్లుళ్లు అయినప్పటికి .. ఈ ఇద్దరి మద్య రాజకీయ వైరం ఉన్న విషయం తెలిసిందే. అయితే ఆ విషయాన్ని మరిచిపోయి.. పురందేశ్వరి దంపతులతో చంద్రబాబు మాటలు కలపటం అక్కడున్న వారిని విశేషంగా ఆకట్టుకున్నాయి.