కేసిఆర్ జూలు పై నీళ్లు చల్లిన తెలంగాణ పెద్దలు?

Posted: 08/05/2013 12:33 PM IST

తెలంగాణ పెద్దలు, తెలంగాణ మేథావులు, తెలంగాణ రాజకీయ సీనియర్ నాయకులు కలిసి తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర్ రావుకు తలంట్టారు. కేసిఆర్ ఇటీవల చేసిన వ్యాఖ్యలకు గాను కేసిఆర్ పై సీరియస్ మండిపడ్డారు. అరవై ఏళ్ల తరువాత తెలంగాణ ఏర్పాటు ప్రక్రియ జరుగుతున్న సమయంలో ఇలాంటి రెచ్చగొట్టే మాటలు వల్ల మనకే నష్టం జరుగుతుందని కేసిఆర్ హితబోద చేసినట్లు సమాచారం. ఆంధ్ర ఉద్యోగులు వెళ్లిపోండి? ఇక ఆప్షన్లు లేవు అని కేసిఆర్ చేసిన వ్యాఖ్యలకు సీమాంద్రలో సెగ ఎక్కువైన విషయం తెలిసిందే. మనం తెలంగాణ కోసం ఎలా ఉద్యమం చేశామో, వారు సమైక్యాంద్ర కోసం ఉద్యమం అలా చేసుకుంటున్న సమయంలో.. కేసిఆర్ చేసిన వ్యాఖ్యల వల్ల తెలంగాణ ఏర్పాటుకు జరిగే ప్రక్రియ వెనకకు పోయిన ఆశ్చర్యంలేదని కేసిఆర్ సూచించినట్లు తెలుస్తోంది. ఉద్యోగుల పై గురించి మాట్లాడే హక్కుల మీకు లేదని గట్టిగా చెప్పటంతో.. కేసిఆర్ కొంచెం మెత్తబడినట్లు తెలుస్తోంది. కేసిఆర్ చేసిన కారు కూతలు వల్ల .. తెలంగాణ రాష్ట్ర ఏర్పాటు అనేది జాప్యం జరిగే అవకాశం ఉందని తెలంగాణ మేథావులు అంటున్నారు. ఇలాంటీ దూకుడు తగ్గిస్తే మంచిదని కేసిఆర్ కు వారు చూసినట్లు సమాచారం. అయితే వారి చెప్పిన మాటలకు కేసిఆర్ లో చలనం కలిగి, మీడియా మందు కొంచెం తగ్గి మాట్లాడినట్లు తెలుస్తోంది. నేను ఆంధ్ర ఉద్యోగులను వెళ్లిపోమ్మనలేదని అంటూ మీడియా తన తప్పును సరిదిద్దుకొనే ప్రయత్నం చేయటం జరిగింది. నిన్న మీడియా మీటింగ్ లో ఎక్కడ తన దూకుడు పదాలు దొర్లకుండా చాలా జాగ్రత్త పడినట్లు సమాచారం. కేసిఆర్ మీడియ ముందుకు వస్తున్నాడు అంటేనే.. మీడియా వారికి పెద్ద పండుగా ఉంటుంది కానీ, నిన్న మాత్రం కేసిఆర్ చాలా పద్దతిగా, సామరస్యంగా, వినయంగా స్వరం మార్చి కొత్తగా మాట్లాడినట్లు సమాచారం. అయితే .. ఇప్పుడు సైలెంట్ గా ఉన్నప్పటికి.. ఏదో రోజు మళ్లీ కేసిఆర్ తన జూలు విదిలిస్తాడని.. తెలంగాణ మేథావులు, సీనియర్ రాజకీయ నాయకులు అంటున్నారు. కేసిఆర్ కు ఎంతమంది వార్నింగ్ ఇచ్చిన ఆయన తీరులో మార్పు ఉండదని టీఆర్ఎస్ పార్టీ సీనియర్ నాయకులు అంటున్నారు. కేసిఆర్ లో మార్పు వస్తుందో, మళ్లీ రెచ్చిపోతాడో చూడాలి.