Posted: 03/27/2013 05:51 PM IST

కొత్త సినిమాలకు ఎటు నుంచి ఏం వివాదం వస్తుందోనని .. దర్శకులు, నిర్మాతలు, హీరోలు,  భయపడిపోతున్నారు. తెరపైకి వచ్చిన ప్రతి కొత్త సినిమాకు  ఏదో ఒక వివాదం  అంటుకుంటుంది. రీసెంట్ గా  ‘తుఫాన్’ ట్రయిలర్  విడుదల చేసిన విషయం తెలిసిందే.  తుఫాన్ ట్రయిలర్   టాలీవుడ్ లో  సంచలనం స్రుష్టిస్తుంది.  మెగా అభిమానులు, మెగా ఫ్యామిలీ.. తుఫాన్ ట్రయిలర్ చేస్తున్న సంచలనం  చూసి  ఆనందంగా ఉన్నారు. కానీ వారి ఆనందం ఎంతో సేపు నిలవలేదు. ఇప్పుడు  తుఫాన్ సినిమాకు కష్టాలు వచ్చాయి.  తుఫాన్  ట్రయిలర్ ప్రదర్శనను  నిలిపివేయాలంటూ  కోర్టు  ఉత్తర్వులు  పాస్ చేసింది.  తుఫాన్ సినిమా పై  నిర్మాతల కొడుకులు కేసు పెట్టినట్లు తెలుస్తోంది.  అసలు విషయం ఏమిటంటే..  తెలుగులో  తుఫాన్ గా  వస్తున్న హిందీ ‘జంజీర్’ కు కేసుల తాకిడి తగిలింది. నిర్మాత ప్రకాష్ మెహ్రా కొడుకులే  తుఫాన్ సినిమా పై కోర్టులో కేసు పెట్టినట్లు తెలుస్తోంది.  గతంలో  ప్రకాష్  తీసని ‘ జంజీర్’  చిత్రంపై   ఆయన కొడుకులు  సునిత్, అమిత్ ,పునీత్ లకు  సమానమైన వాటా  ఉంటుంది. అయితే  సుమిత్, పునీత్ లకు   సినిమా తీసే ఆలోచనలేకపోవడంతో , జంజీర్  హక్కులను  అమిత్ కు అమ్మినట్లు తెలుస్తోంది. 

అయితే  తెలుగు వర్షన్ తుఫాన్ ట్రయిలర్  పెను సంచలనం  పుట్టించింది.  ఈ విషయం తెలుసుకున్న  సుమిత్, పునీత్ లిద్దరు  తుఫాన్  చిత్రం పై  గోల చేయటానికి సిద్దమైనట్లు  బాలీవుడ్ వర్గాలు అంటున్నాయి.  అందులో భాగాంగా  మా ఇద్దరికి  ఆ సినిమా పై డబ్బులు పూర్తిగా  అందలేదనే కారణంతో.. కోర్టులో కేసు పెట్టినట్లు తెలుస్తోంది.  కేసును పరిశీలించిన కోర్టు ..ప్రస్తుతం తుఫాన్ ట్రయిలర్ ను నిలిపివేయమని ఉత్తర్వులు జారీ చేసినట్లు బాలీవుడ్ సమాచారం.   ఇది  మెగా అభిమానులకు షాక్ న్యూసే.