Posted: 03/15/2013 01:33 PM IST

టాలీవుడ్ లో సీనియర్  దర్శకుడు అయిన దాసరి నారాయణ రావు కు  కేంద్ర మంత్రి మెగాస్టార్  చిరంజీవిల మధ్య కోల్డ్ వారు జరుగుతున్న విషయం తెలిసిందే.  దాసరి నారాయణ రావు  ప్రతి విషయంలోను చిరంజీవి పై కామెంట్  చేయటం ఆయనకు ఒక అలవాటుగా మారిపోయింది. అది చిరంజీవి మీద ఉన్న ప్రేమో, లేక ప్రతీకారమో  తెలియాదు గానీ మొత్తం  మీద దాసరి ఎప్పుడు చిరును టార్గెట్ చేసి మాట్లడటం దాసరికి అలవాటు. ఎలాంటి సందర్భాన్ని అయిన తనకు అనుకూలంగా మార్చుకోవటంలో దాసరి దిట్ట.  అలాంటి వాతావరణంలో  దాసరిలో ఉన్న మరో రూపం బయటకు వస్తాడు.  ఇటీవల  ఫిలింనగర్లో  డబ్బింగ్ సీరియల్స్ పై  నిరసనలు, దర్నాలు  చేస్తున్నారు తెలుగు బుల్లితెర నటులు.  బుల్లి తెరపై వచ్చే డబ్బింగ్  సీరియల్స్ వల్ల తెలుగు నటులు చాలా నష్టపోతున్నారని వెంటనే డబ్బింగ్ సిరియల్స్ ను  బ్యాన్ చేసి తెలుగు నటులకు అవకాశం కల్పించాలని ఫిలింనగర్ పెద్దలు  డిమాండ్ చేస్తున్నారు.   తెలుగు టీవీ కళాకారులకు దాసరి మద్దతు  ఇవ్వటం జరిగింది.  ఈ సందర్బంలో  దాసరి కేంద్ర మంత్రి  చిరంజీవి పై సుత్తిమెత్తగా సెటైర్లు వేయటం జరిగింది.   డబ్బింగ్  సీరియల్స్  విషయంలో  కేంద్రమంత్రి  చిరంజీవి జోక్యం చేసుకోవాలని  దాసరి కోరారు. 

ఒక ఛానెల్ లో ఇలాంటి సీరియల్స్ కాకుండా తెలుగు సీరియల్స్  మాత్రమే ప్రసారమయ్యేలా  చిరు చొరవ తీసుకోవాలని  దాసరి సూచించారు.  అంతేకాకుండా ఇటీవల తిరుపతి లో జరిగిన  ప్రపంచ తెలుగు మహాసభల్లో  చిరంజీవి  పంచెకట్టుతో  అచ్చ తెలుగు మనిషిలా పాల్గొన్నారు.  అలాగే  తెలుగు టీవీ సీరియల్స్ నూ అల్చ తెలుగుదనం కనిపించాలి.  చిరు తప్పుకుండా డబ్బింగ్  సీరియల్స్ పై చర్య తీసుకుంటాడని  నేను అనుకుంటున్నాని  దాసరి చెప్పటం జరిగింది.  చిరంజీవి కూడా ఒక నటుడే కాబట్టి  సాటి కళాకారులు బాధపడుతుంటే  ఆయన చూడలేరని  దాసరి సుత్తిమెత్తగా సెటైర్లు వేయటం జరిగింది.  డబ్బింగ్   సీరియల్స్ వల్ల  తెలుగు కళాకారుల ఉనికి కోల్పోతుందని  తెలుగు టీవీ కళాకారులు బాధపడుతున్నారు.  దాసరి వ్యాఖ్యలకు  కొంత మంది నటులు ఆగ్రహం వ్యక్తం చేసినట్లు ఫిలింనగర్ టాక్ ?