Posted: 09/12/2012 05:27 PM IST

అటు రాజకీయల్లోగానీ , ఇటు సినిమా ఇండస్డ్రీలో గానీ .. ఆయన పేరు తెలియాని వారు  ఉండరు. ఏ హీరోయిన్ ను అడిగిన అతని పేరు ఠక్కున చెబుతుంది. కొత్తగా వచ్చిన నటి దగ్గర నుండి పాత జయప్రద వరకు ఆయన  ఆపద్భంధువుడు. రాజకీయాల్లో కూడా ఆయన సీనియర్ నాయకుడు. ఆయనే తిక్కవరపు  సుబ్బరామిరెడ్డి. ఇటీవల జరిగిన ఉప ఎన్నికల్లో నెల్లూరు ఎంపిగా పోటీ చేసి  ఒడిపోయాన సుబ్బరామిరెడ్డి .. ఈసారి కన్ను విశాఖ మీద వేశాడు.  నెల్లూరు  ఉప ఎన్నికల్లో కోటీ రూపాయల వరకు .. నష్టం చవి చూసినట్లు కాంగ్రెస్ నాయకులు చెబుతున్నారు.  అయిన గానీ .. ఆయనలో  కొత్త ఉత్సహాం కనిపిస్తుందని  కాంగ్రెస్ సీనియర్ నాయకులు అంటున్నారు.  అయితే ఈ సారి మాత్రం  దగ్గుబాటి  పురందేశ్వరి సీటు పై కచ్చిఫ్ వేస్తున్నట్లు ఢిల్లీ నాయకులు అంటున్నారు. ఎన్నికల్లో పార్టీ ఆదేశాల మేరకు ఎక్కడైనా పోటీచేయడం సాధారణమని.. విశాఖతో అనుబంధాన్ని వదులుకోలేనని.. రాజ్యసభ సభ్యుడు టి సుబ్బరామిరెడ్డి.. కుండబద్ధలు కొట్టారు.

నెల్లూరు ఉపెన్నికల్లో ఘోర పరాభవం చవిచూసిన అనంతరం..విశాఖతో తనకున్న మూడు దశాబ్దాల అనుబంధాన్ని ఎలా వదులు కోగలనని టీఎస్‌ఆర్‌ ప్రశ్నిస్తున్నారు. తన పుట్టిన రోజు వేడుకలను విశాఖలో ఈనెల 16,17 తేదీల్లో ఘనంగా నిర్వహించడానికి సిద్దమౌతున్న సుబ్బరామిరెడ్డి..మీడియాతో మాట్లాడారు. ఎన్నికల వల్లే నెల్లూరుకో మరోచోటుకో వెళ్తామని, విశాఖతో అనుబంధాన్ని వదులుకోలేనని ఆయన స్పష్టం చేసారు. పది కోట్లతో విశాఖలో అధునాతన ఆడిటోరియం నిర్మిస్తానని ఆయన ప్రకటించారు.  పనిలోపనిగా..తన సత్తా ఏంటో నెల్లూరు ఎన్నికల్లో తెలుస్తుందన్నారు. తన వల్లే నెల్లూరులో కాంగ్రెస్ గట్టి పోటీ ఇవ్వగలిగామన్నారు. పురందేశ్వరి కాంగ్రెస్‌లో చాలా జూనియర్ అన్న ఆయన... తన సీనియార్టీతో ఆమెను పోల్చవద్దన్నారు. మనసంతా విశాఖలోనే ఉందన్న టీఎస్ఆర్ వ్యాఖ్యలతో.. ఆయన వర్గంలో ఉత్సాహం రావడం కొసమెరుపు.  నెల్లూరు-విశాఖ మధ్య నలిగిపోతున్న తన వర్గీయులకు ఈమాటలు కొండంత ధైర్యం ఇచ్చాయి..