Posted: 08/24/2012 01:36 PM IST

డైరెక్టర్ శంకర్ సినిమా అంటే అందరు చాలా జాగ్రత్తగా ఉంటారు.  కానీ ఈసారి హీరోయిన్ శంకర్ మాట వినటంలేదని టాలీవుడ్ వర్గాలు చెప్పుకుంటున్నాయి. ఆ మిడ్ నైట్ పార్టీలకు వెళ్లడం మానేయమని అమీ జాక్సన్‌కి దర్శకుడు శంకర్‌ గట్టిగా వార్నింగ్ ఇచ్చినట్లు తెలుస్తోంది.శంకర్  ప్రస్తుతం విక్రమ్‌తో ఓ చిత్రం చేస్తున్నారు. అమీ జాక్సన్‌ నాయిక. పార్టీల్లో పాల్గొనడం మూలంగా షూటింగ్ సమయంలో ఆమె ఇబ్బందిపడుతోందట. తన సినిమా పూర్తయ్యే వరకూ విందువినోదాలకు దూరంగా ఉండమన్నారని సమాచారం. గతంలో రెండు మూడు సార్లు ఆమెకు సూచన ప్రాయంగా ఈ విషయం చెప్పినా వినకపోవటంతో గట్టిగానే వార్నింగ్ తరహాలో శంకర్ సీరియస్ గా చెప్పినట్లు కోలీవుడ్  వర్గాలు అంటున్నాయి. విక్రమ్, అమీ జాక్సన్‌ కాంబినేషన్ లో 'ఐ' అనే చిత్రం రూపొందుతున్న సంగతి తెలిసిందే.

రొమాంటిక్ యాక్షన్ ధ్రిల్లర్ గా రూపొందుతున్న ఈ చిత్రానికి తెలుగు వెర్షన్ కి టైటిల్ గా 'మనోహరుడు'ని ఫిక్స్ చేసినట్లు సమాచారం. ఆస్కార్‌ ఫిలిమ్స్‌ సంస్థ నిర్మిస్తోంది. తమిళంలో 'ఐ' అనే పేరుని ఖరారు చేశారు. తెలుగులో 'మనోహరుడు' అనే పేరుని నిర్ణయించారు. అమీ జాక్సన్‌ హీరోయిన్ గా నటిస్తుంది. ఎ.ఆర్‌.రెహమాన్‌ స్వరాలు సమకూరుస్తారు. పి.సి.శ్రీరామ్‌ ఛాయాగ్రాహకుడు. ఈ చిత్రంలో మలయాళ హీరో సురేష్‌ గోపి ఓ ముఖ్య పాత్ర పోషిస్తున్నారు.