Posted: 08/23/2012 09:28 PM IST

చాలా కాలంగా హిట్లు లేక సతమతమైన పవన్ కళ్యాణ్ సల్మాన్ ఖాన్ నటించిన దబాంగ్ సినిమాని రీమేక్ చేసి తెలుగులో రికార్డులు బద్దలు కొట్టిన విషయం తెలిసిందే. ఈ చిత్రం విజయంతో పవన్ కళ్యాణ్ సల్మాన్ ఖాన్ నటించిన ఏక్తా టైగర్ చిత్రాన్ని కూడా రీమేక్ చేయాలని అనుకున్నాడు. ఈ చిత్రానికి సంబంధించిన వార్త ఆ చిత్రం సెట్స్ లో ఉండగానే వచ్చింది. ఈ సినిమా విడుదలై కలెక్షన్ల వర్షం కురిపిస్తుంది బాలీవుడ్ లో. ఎప్పటి నుండో దీని పై కన్నేసిన పవన్ కళ్యాన్ రీసెంటుగా ఈ చిత్రాన్ని చూశాడు.

సినిమా చూసి, దానిని రీమేక్ చేసే ఆలోచనను విరమించుకున్నారని అంటున్నారు. అందులో విషయం కన్నా యాక్షన్ పాళ్ళు ఎక్కువగా ఉందనీ, అది తెలుగు ప్రేక్షకులకు నచ్చదనీ నిర్ణయించుకోవడంతో పవన్ ఆ సినిమా రీమేక్ అంశాన్ని వదిలేశాడని అంటున్నారు. దీని బదులుగా ప్రస్తుతం సెట్స్ లో వున్న 'దబాంగ్-2' సినిమా మీద వీరు ఆశలు ఎక్కువగా పెట్టుకున్నారు. అందులో విషయం ఉందనీ, తెలుగు ప్రేక్షకులకు నచ్చే అంశాలన్నీ అందులో ఉన్నాయనీ, ఆ సినిమాలో విలన్ గా నటిస్తున్న ప్రకాష్ రాజ్ ఇప్పటికే పవన్ కల్యాణ్ సన్నిహితులకు చెప్పాడట. అందుకే, 'గబ్బర్ సింగ్' నిర్మాత బండ్ల గణేష్ ఈ సినిమా మీద దృష్టి పెట్టాడు. పవన్ కల్యాణ్ కి కనుక 'దబాంగ్ -2' నచ్చితే, ఎంత రేటు పెట్టయినా, ఆ హక్కులు తీసుకుని, 'గబ్బర్ సింగ్ -2' చిత్రాన్ని నిర్మిస్తానని ఆయన చెబుతున్నాడు.