Posted: 08/01/2012 05:03 PM IST

ఆ పేరు వింటే చాలు ..ప్రతి ఒక్కరిలో  తెలియాని పవర్  పుడుతుంది.  ఆ హీరో సినిమా  రిలీజ్ అవుతుందంటే....  ఆ హీరో  అభిమానులకు పెద్ద పండగే. ఆ హీరో .. తెలుగు యువతకు  ‘తొలి ప్రేమ’ చూపించిన హీరో.   తెలుగు అభిమానుల చేత  ‘జల్సా’ చేయించిన హీరో.  అతను అందరికి  ‘బంగారం’ లాంటి  హీరో. ప్రతి ఒక్కరికి ‘సుస్వాగతం’చెప్పే   మంచి మనసు ఉన్న హీరో   పవర్ స్టార్  పవన్ కళ్యాణ్. ఇప్పుడు  గబ్బర్ సింగ్  సినిమా హిట్ తో  పవన్ కళ్యాణ్  రేంజ్  బాలీవుడ్ వరకు వెళ్లిన విషయం తెలిసిందే.  అయితే  గబ్బర్ సింగ్ సినిమా  హిట్ ప్రభావం..  రాంబాబు మీద పడింది . అంటే  పవన్ కళ్యాణ్ కొత్త   ‘కెమెరామెన్  గంగతో రాంబాబు’ సినిమా పై పడింది. పవన్ హిట్ కుతోడు దర్శకుడు పూరి జగన్నాధ్ తోడుకావడంతో ఈ చిత్రం ఫిల్మ్ నగర్ బిజినెస్ వర్గాల్లో కాకపెంచుతోంది.

ఈ సినిమా విడుదలకు ముందే రూ.50 కోట్ల బిజినెస్ చేస్తుందని అంచనా వేస్తున్నారు. నైజాం, రాయలసీమ, సీడెడ్ ఇలా అన్ని చోట్లా పోటీ నెలకొంది.ఈ సినిమా నైజాం హక్కులు నిర్మాత అల్లు అరవింద్ తీసుకున్నట్లు సమాచరం. తూర్పుగోదావరి జిల్లా వరకు ఆర్ఆర్ ఫిలింస్ రూ.2.50 కోట్లు అఫర్ చేసినట్లు సమాచారం. అక్టోబర్ 18న విడుదల కానున్న ఈ చిత్రం ఫస్ట్ లుక్ పోస్టర్ ను హీరో పవన్ కళ్యాణ్ తన అన్న మెగాస్టార్ చిరంజీవి పుట్టినరోజు అయిన ఆగస్టు 22న విడుదల చేసేందుకు సిద్దమవుతున్నట్లు తెలుస్తోంది. ఈ కార్యక్రమం ద్వారా మెగా బ్రదర్స్ మద్య ఎలాంటి వివాదాలు లేవని చాటడం పవన్ ఉద్దేశమని సమాచారం.