Posted: 06/14/2012 04:40 PM IST

ఉప ఎన్నికల ఫలితాలు  వెలువడే తరుణం దగ్గరపడటంతో..  అందరిలోనూ ఉత్కంఠ  పెరిగిపోతోంది.  అన్ని పార్టీలు క్షణక్షణం టెన్షన్ తో ఉక్కిరిబిక్కిరవుతున్నాయి. అయితే  జగన్ పార్టీ స్వీప్ చేస్తుందన్ ఊహాగానాల నేపథ్యంలో  చంచల్  గూడ జైలు  దగ్గర భద్రతను  పెంచుతున్నారు.  అదనపు  పోలీసు బలగాలతో  నింపబోతున్నారు.  జగన్ ని  అభినందించడానికి  వచ్చే పార్టీ నేతలు, కార్యకర్తలతో  ఆ ప్రాంతమంతా  హోరెత్తుతుందని , శాంతిభద్రతలకు  ముప్పు ఏర్పడవచ్చునని  భావించిన  జైలు అధికారులు కూడా ముందు జాగ్రత్త చర్యలు చేపడుతున్నారని మీడియా వర్గాలు అంటున్నాయి.

చంచల్ గూడ జైలు అధికారులు  జగన్ ని బయటకు రాకుండా  చేసేందుకు  ప్రణాళికలు  రూపొందించుకున్నారు. అవసరమైతే  ఆంక్షలు  విధించడానికి  కూడా వెనుకాడరాదని  నిర్ణయించుకున్నట్లు సమాచారం.  పైగా  జైల్లో కొత్తగా సిసి కెమెరాలు  కూడా ఏర్పాటు చేయటం జరిగిందని జైలు అధికారులు అంటున్నారు.  జైల్లో జగన్ మాత్రం చాలా ఉత్సాహంగా, ఉల్లాసంగా ఉన్నాడని  జైలు అధికారులు చెబుతున్నారు.  అంటే  వైఎస్ఆర్ కాంగ్రెస్ పార్టీకి 10 లేక 12 సీట్లు వస్తాయని గట్టి నమ్మకంతో  ఉన్నట్లు జైలు అధికారులు అంటున్నారు. ఆ ధీమతోనే జగన్ ఉల్లాసంగా జైల్లో తిరుగుతున్నాడట.  తెలుగుదేశం పార్టీ మాత్రం ముందుగానే తెలివిగా ..ఈ ఉప ఎన్నికలతో  మాకు సంబంధం లేదు. మా పార్టీ గెలిసిన , గెలవక పోయిన .. మాకు నష్టంలేదని .. బాబు ముందుగా గంట కొట్టి మరి చెప్పాడు.  ఇక మిగిలింది .. కాంగ్రెస్ పార్టీ .  తమ పార్టీ అభ్యర్థిల గెలుపు కోసం ఢిల్లీ నాయకులు సైతం  రంగంలోకి దిగారు. కానీ ఫలితం దక్కదని ముందు తెలిసిపోయింది . అయిన కాంగ్రెస్ మాత్రం జగన్ పై పోరాటం  చెయ్యటానికి సిద్దమైందని మీడియా వర్గాలు అంటున్నాయి .