Posted: 06/13/2012 08:42 PM IST

చిరు తనయుడు .. రామ్ చరణ్  తేజ  పెళ్లి వేడుకలు  జోరందుకున్నాయి.  వధువు  ఉపాసన  తాతతండ్రులు  నిజామాబాద్  జిల్లాలోని  దోమకొండ గడీ  సంస్థానాధీశులైన  నేపథ్యంలో  ..  ఆమె   ఆ కోటలో ప్రత్యేక  పూజలు  నిర్వహించారు.  రామ్ చరణ్ తో  కలిసి  గడీలోని  మహాదేవుని  ఆలయంలో  హోమం చేశారు.  పోచమ్మ  పండుగ  సంబరాల్లో   మునిగితేలారు.   ఎంపీ  చిరంజీవితో  పాటు  అపోలో  సంస్థల  అధిపతి   ప్రతాప్ రెడ్డి , వధూవరుల కుటుంబ సభ్యులు  , రాజకీయ  సినీ ప్రముఖులు ఈ వేడుకల్లో  పాల్గొన్నారు.

మొదట  రామ్ చరణ్,  చిరంజీవి  ఒకే వాహనంలో ఉదయం 11 గంటలకు  దోమకొండ కోటకు చేరుకున్నారు.  ఇద్దరూ  కలిసి  మహాదేవుడి  ఆలయాన్ని  సందర్శించారు. తమ ఇంట శుభకార్యాలు  జరిగే  ముందు కోటలో పోచమ్మ పండుగ  నిర్వహించడం  దోమ కొండ సంస్థానాధీశుల  సంప్రదాయం.  ఈమేరకు  .. వధువు ఉపాసన  తన తల్లి  శోభన, తండ్రి  అనిల్ కుమార్ తో  కలిసి  తెల్లవారుజామునే కోటవద్దకు  చేరుకున్నారు. కోట లోపల ఉన్న పోచమ్మ  గుడిలో  బోనం  ఎత్తుకుని  అమ్మవారికి  నైవేద్యం  సమర్పించారు.  పూజ అనంతరం  గ్రామానికి  చెందిన 101 మంది మహిళలకు  కాబోయే వధూవరులు  చీరలను పంపిణీ  చేశారు.  కాగా ఈ వేడుకల్లో  పాల్గొన్న  చిరంజీవి  గ్రామ పెద్దలతో  కొద్ది సేపు మాట్లాడారు.  పెళ్లి తర్వాత అభిమానుల  కోసం  హైదరాబాద్ లో  ప్రత్యేకంగా  విందు  ఏర్పాటు చేసినట్లు తెలిపారు.   వైభవోపేతంగా జరిగిన ఈ వేడుకలకు  సినీ, రాజకీయ  ప్రముఖులతో పాటు  ఉత్తరాదికి చెందిన పలువురు  రాజవంశీకులు  సైతం  రావడం విశేషం.

అయితే  అక్కినేని హీరో నాగ చైతన్యకు  రామ్ చరణ్ పెళ్లి వేడుకల్లో అవమానం జరిగిందని  టాలీవుడ్ వాసులు అంటున్నారు.  రామ్ చరణ్ కు  నాగ చైతన్య మంచి మిత్రుడు .  పెళ్లి వేడుకలను చూసేందుకు వచ్చిన నాగ చైతన్యను  భద్రత సిబ్బంది అడ్డుకున్నట్లు తెలుస్తుంది.   నాగ చైతన్య కారును కోటలోకి  వెళ్ల కుండా  భద్రత సిబ్బంది  అడ్డుకున్నట్లు  మీడియా కథనాలు  వినిపిస్తున్నాయి.   భద్రత సిబ్బందితో  నాగ చైతన్య ఎంత చెప్పిన వినకుండా .. వారి రూల్స్ పాటించినట్లు  తెలుస్తుంది..  చివరకు చేసేది ఏమిలేక .. కారు అక్కడే వదిలిపెట్టి..  ఒంటరిగా ఫోన్ లో  మాట్లాడుతూ  కోట లోపలికి వెళ్లినట్లు మీడియా వర్గాలు అంటున్నాయి.  ఈ విషయం మెగా ఫ్యామిలీకి తెలియదని    మీడియా వర్గాలు అంటున్నాయి .