Posted: 05/29/2012 01:12 PM IST

రాష్ట్రంలో 18చోట్ల ఉప ఎన్నికల జరుగుతున్న విషయం తెలిసిందే. అయితే ప్రధానంగా రెండు లోకల్ పార్టీలు , రెండు జాతీయ పార్టీలు పోటీపడుతున్నాయి. అంటే కాంగ్రెస్ పార్టీ , బిజేపి పార్టీ, తెలుగుదేశం పార్టీ , వైఎస్ఆర్ కాంగ్రెస్ పార్టీలు పోటీ పడుతున్నాయి. ఈ ఉప ఎన్నికలకు అన్నీ పార్టీలు చాలా సీరియస్ గా తీసుకున్నట్లు వినికిడి.

అయితే పరిస్థితి ప్రభావం వలన వైఎస్ కాంగ్రెస్ పార్టీ అధినేత వైఎస్ జగన్ సిబిఐ అరెస్ట్ చేయటంతో.. మిగిలిన పార్టీ నాయకులు కొంత ఊపిరీపిల్చుకున్నారు. జగన్ జైలుకు వెళ్లటంతో.. తెలుగుదేశం పార్టీ కొత్త పావులు కదుపుతుందట. ఈ ఉప ఎన్నికల్లో ఎలగైన తమ పార్టీ గెలవాలని .. చంద్రబాబు నాయకుడు సరికొత్త ప్లాన్ వేసినట్లు ఆ పార్టీ నాయకులు చెబుతున్నారు. గతం ఎన్నికల్లో తన బావమరిది అయిన బాలయ్య ను దించటం జరిగింది. కానీ అనుకున్నంతగా ఏమీ జరగలేదని అందరికి తెలిసిందే.

అయితే ఈసారి ఏకంగా బాలయ్యను కాకుండా బాలయ్య నటించిన కొత్త సినిమాను ఎన్నికల ప్రచారానిక వాడుకుంటున్నట్లు ఆపార్టీ నాయకులు చెబుతున్నారు . అందుకోసం నందమూరి నట సింహం బాలకృష్ణ నటించిన ‘అధినాయకుడు’ చిత్రం గత ఐదు నెలలుగా వాయిదాల మీద వాయిదాలు పడుతూ వస్తూ....చివరకు జూన్ 1న రిలీజ్ ఖరారు చేసుకున్న సంగతి తెలిసిందే.

అయితే ‘అధినాయకుడు’ చిత్రానికి వైఎస్ జగన్ అరెస్టు సెగ తాకే అవకాశం ఉన్నట్లు వార్తలు వినిపిస్తున్నాయి. కారణం ఈ చిత్రంలో బాలయ్య చెప్పిన కొన్ని డైలాగులు జగన్‌ను టార్గెట్ చేస్తున్నట్లు ఉండటమే. ‘‘మంచి నాయకులు ప్రజల గుండెల్లో ఉండాలే గానీ, రోడ్డమీద బొమ్మల్లో కాదు...ఉన్నట్టుండి ఈ విగ్రహాల రాజకీయం ఎందుకు మొదలు పెట్టావో చెబుతావా? చెప్పించమంటావా?’’ అంటూ బాలయ్య చెప్పిన డైలాగు ఇప్పుడు సర్వత్రా చర్చనీయాంశం అయింది.

ఈ డైలాగులో బాలయ్య ఎక్కడ కూడా జగన్ పేరు ప్రస్తావించక పోయినప్పటికీ....అది జగన్‌ను టార్గెట్ చేస్తూ ఉందనేది కాదనలేని సత్యం. కాగా జగన్ అరెస్ట్ తో ఇప్పటికే ఆగ్రహం గాఉన్న వైఎస్ఆర్‌సి కాంగ్రెస్ నేతలు...సినిమా విడుదల సమయంలో ఇబ్బంది పెట్టే అవకాశం ఉందని సినిమా విశ్లేషకులు అంటున్నారు.