Posted: 05/17/2012 07:09 PM IST

కమల్ హాసన్ గారాల పట్టి శ్రుతి హాసన్ హీరోయిన్ గా తెరంగ్రేటం చేసి మొదటి నుండి పెద్ద హీరోలతో నటించినా ఆ సినిమాలు బాక్స్ ఆఫీస్ వద్ద బొల్తా కొట్టడంతో ఈమె పై ఐరెన్ లెగ్ అనే ముద్ర పడింది. కానీ తాజాగా పవన్ కళ్యాణ్ తో గబ్బర్ సింగ్ లో నటించిన శ్రుతి హాసన్ కి ఈ సినిమా ఇప్పటి వరకు ఉన్న ఐరెన్ లెగ్ మచ్చని పోగొడుతూ మంచి విజయం సాధించింది.

హరీష్‌శంకర్ దర్శకత్వంలో పవన్‌కళ్యాణ్, శ్రుతి జంటగా ఇటీవల విడుదలైన ‘గబ్బర్‌సింగ్’ మంచి టాక్‌ని సొంతం చేసుకుంది. శ్రుతి నటించిన సినిమాలేవీ సక్సెస్ అవ్వడంలేదని ప్రచారం చేసినవారికి ఈ చిత్రం మంచి సమాధానమైంది. దీని పై శ్రుతి హాసన్ ట్విట్టర్ లో ప్రేక్షకులకు ధన్యవాదాలు కూడా తెలిపారు.

ఈ విజయాన్ని ఎంజాయ్ చేస్తున్న ఇన పై పూర్తిగా దక్షిణాదిలో పాగా వేయాలని చూస్తుంది. దానికి శ్రుతి హాసన్ ముంబయిలో ఓ ఇల్లు కోసం ప్రయత్నాలు సాగిస్తున్నారని సమాచారం. ఇప్పటివరకు చెన్నయ్‌లో ఉంటున్న శ్రుతిహాసన్ ఇకనుంచి ముంబయ్‌లో కూడా ఉండాలనుకుంటున్నారు. ఆ మహానగరంలో ఓ మంచి ఇల్లు కొనుక్కోవాలనుకుంటుంది. గత కొన్ని రోజులుగా సాగిస్తున్న ఇంటి వేట కొనసాగిస్తుందని ముంబయి వర్గాలు అంటున్నాయి  కానీ ఇప్పుడప్పుడే ఈ వేటకి ఫుల్‌స్టాప్ పడే సూచనలు కనిపించడంలేదని, శ్రుతి హాసన్ కి నచ్చిన విధంగా ఇల్లు దొరకడం లేదని అంటున్నారు. శ్రుతి టేస్ట్ కి తగ్గట్లు ఇల్లు దొరికితే ఇక ఇక్కడే మకాం వేస్తుందన్నమాట.