Posted: 12/20/2011 04:35 PM IST

జగన్ కడప ఎంపీగా ఎన్నికైన తరువాత రెండోసారి పార్లమెంటులో అడుగుపెట్టాడు. మొదటి సారి ప్రమాణస్వీకారం చేయడానికి వెళితే రెండోసారి ఎందుకు వెళ్ళాడంటే... రైతుల పక్షాన మాట్లాడుతున్న జగన్ వారి సమస్యలను పార్లమెంటులో వినిపించడానికి అనుకుంటే మీరు పొరపాటు పడ్డట్లే.

ఇన్ని రోజులు నుండి పార్లమెంటు సమావేశాలు జరుగుతున్నా... జగన్ నిన్ననే  పార్లమెంటులో అడుగు పెట్టాడు. ఎందుకంటే తన పై అక్రమ ఆస్తుల కేసు నడుస్తున్నందున దానికి  సంబంధించిన కొన్ని విషయాలు తెలుసుకోవడానికే వెళ్ళాడు వార్తలు వినిపిస్తున్నాయి. వీటికి కాస్తంత బలం చేకూరే విధంగా నిన్న పార్లమెంటు ఆవరణలో మజ్లిస్ పార్టీ అధినేత అసదుద్దీన్ ఒవైసీతోనే ఎక్కువ సేపు గడిపారు. ఉదయం లోక్ సభలో ప్రశ్నోత్తరాలు జరుగుతుండగా... చివరి బెంచీల్లో  ఇద్దరు కూర్చొని చాలా సుదీర్ఘ మంతానాలు జరిపారు.

పార్లమెంటు సమావేశం వాయిదా తరువాత జగన్, అసదుద్దీన్ ఇద్దరూ సుదీర్ఘంగా సెంట్రల్ హాలులో కూర్చొని మాట్లాడుకున్నారు. వీరిద్దరి చర్చలో ప్రధానంగా తన అక్రమాస్తుల కేసు విషయంలో కేంద్రంలో ఎటువంటి అభిప్రాయం ఉందని తెలుసుకోవడానికే జగన్ ప్రయత్నించినట్లు తెలుస్తుంది. ఢిల్లీలో కాంగ్రెస్ పై పట్టున్నగులాంనబీ ఆజాద్, అహ్మద్ పటేల్ లాంటి కాంగ్రెస్ పెద్దల మనసులో మాటలను తెలుసుకోవడానికే చర్చించాడాని, తన మనసులోని మాటను అక్కడికి చేరవేశాడని త్వరలో జగన్ కూడా కాంగ్రెస్ గూటిచే చేరుతాడని అక్కడ వారి చర్చను చూసిన వారు అనుకుంటున్నారు.