Posted: 12/02/2011 02:38 PM IST

ప్రత్యేక తెలంగాణ రాష్ట్రం కోరుతూ సకల జనులు సమ్మె చేసిన విషయం తెలిసిందే. మరి ఈ సకల జనుల సమ్మెతో ఎవరికి ప్రయోజనం చేకూరింది. ఇటు ప్రజలకా  లేక సమ్మె చేయాలని పిలుపునిచ్చిన టీఆర్ఎస్ నాయకుడిగా లేక ప్రభుత్వానికా ? అంటే దానికి సమాధానం టీడీపీ నేత మోత్కుపల్లి నర్సింహులు కేసీఆర్ కే అని ఖచ్చితంగా చెబుతున్నారు.

సకల జనుల సమ్మెకు పిలుపు నిచ్చిన కేసీఆర్ మాత్రం తాను ఒక్క రోజు కూడా సమ్మెలో పాల్గొనలేదని, తన పనులు ఏం చక్కా చేసుకొని పోయాడని, తన మనవులు మనవరాళ్ళు బడులకు కూడా వెళ్ళారని, ఉద్యోగులు విధులకు వెళ్ళ కుండా సమ్మె చేస్తే కేసీఆర్ మాత్రం తన వ్యాపారాలు తాను చూసుకున్నాడని, ఉద్యోగ సంఘాల నేతల కలిసి కనీసం ఒక్కరోజు కూడా సమ్మెలో పాల్గొనలేదని అన్నారు.
చిత్త శుద్ధితో సకల జనులు సమ్మె చేస్తుంటే కేసీఆర్ ఢిల్లీ వెళ్ళి సోనియా గాంధీ దగ్గర ముడుపుల మూటలు తెచ్చుకున్నారని అందుకే ఢిల్లీ వెళ్ళి వచ్చిన తరువాతనే ఉద్యోగ సంఘాల వారి పై ఒత్తిడి తెచ్చి ఉద్యమాన్ని నీరుగార్చాడని, పేరుకు మాత్రం అన్ని సంఘాల నేతలతో కలిసి ఢిల్లీ వెళ్ళారని అక్కడ సోనియాతో రహస్య ఒప్పందం జరుపుకొని వచ్చి ఇక్కడు ఉద్యమానికి విరామం అని చెప్పాడని ఆయన అన్నారు.
సకల జనుల సమ్మెతో కేసీఆర్ తో పాటు ఆయన కుటుంబం మొత్తం సకల జనుల దగ్గరి నుండి డబ్బు వసూలు చేసి తనకు సకల సంపద చేకూర్చుకున్నాడని ఆయన అన్నారు.

మరి కేసీఆర్ ఈ సమ్మె పేరు చెప్పి సకల సంసదలు సమకూర్చుకున్నాడో లేదో అంటే ఆయన ఈ వ్యాక్యలకు సమాధానం చెప్పాల్సిన అవసరం ఉందని ప్రజలు అనుకుంటున్నారు.