అభిమానులకు ప్రభాస్ ఉగాది స్పెషల్ సర్ ఫ్రైజ్..!

Posted: 03/15/2022 03:06 PM IST

Radhe shyam likely to stream on amazon prime from new year

పాన్‌ ఇండియా స్టార్‌ ప్రభాస్, పూజా హెగ్డే జంటగా రాధాకృష్ణ కుమార్‌ తెరకెక్కించిన ‘రాధే శ్యామ్’ మూవీ విడుదలైన తొలిరోజు నుంచి మిక్సిడ్ టాక్ సోంతం చేసుకుంది. అయితే పాన్ ఇండియా చిత్రంగా విడుదలైన ఈ చిత్రం బాక్సీఫీసు వద్ద మాత్రం తొలివారంతం సందడి చేసింది. ఇండియాలో మొదటి సారి ఒక ప్రేమకథకు ఈ స్థాయిలో కలెక్షన్ల వర్షం కురుస్తోంది. మూడు రోజుల్లోనే రూ. 151 కోట్ల గ్రాస్ వసూలు చేసి రికార్డు క్రియేట్‌ చేసింది రాధేశ్యామ్‌. పాజిటివ్ టాక్‌తో థియేటర్లకు ప్రేక్షకులు కదులుతున్నారు. భాషతో సంబంధం లేకుండా అన్ని చోట్ల ఈ సినిమాకు అనూహ్యమైన స్పందన వస్తోంది.

ఈ మూవీలో ప్రభాస్జ్-పూజా హెగ్డేల కెమిస్ట్రీకి అందరూ ఫిదా అవుతున్నారు. అలాగే రాధా కృష్ణ కుమార్ టేకింగ్ కూడా సినిమాకు అదనపు ఆకర్షణగా నిలిచింది. ఇప్పటికే నిర్మాతలకు బ్రేక్ ఈవెన్ అయిపోయింది ఈ సినిమా. సినిమాకు పెట్టిన ఖర్చుకు.. చేసిన ప్రీ రిలీజ్ బిజినెస్‌కు.. ఇప్పుడు వస్తున్న కలెక్షన్స్‌కు.. నిర్మాతలు ఇప్పటికే సేఫ్ అయిపోయారు. నాన్ థియేట్రికల్ రైట్స్ రూపంలోనే రాధే శ్యామ్ రికార్డ్ క్రియేట్ చేసిందంటున్నారు. శాటిలైట్, డిజిటల్ రైట్స్ ఆల్ టైం రికార్డు ధరకు అమ్ముడయ్యాయి.

ప్రభాస్ కు ఉన్న పాన్ ఇండియా ఇమేజ్ రాధే శ్యామ్ సినిమా మరోసారి నిరూపించింది. అత్యద్భుతమైన విజువల్ ఎఫెక్ట్స్.. ఎమోషనల్ గా సాగే లవ్ స్టోరీ.. కట్టి పడేసే క్లైమాక్స్ సన్నివేశాలు రాధే శ్యామ్ సినిమాకు పాజిటివ్ గా నిలిచాయి. అయితే ఇదే సమయంలో ఈ సినిమా డిజిటల్ హక్కులను సొంతం చేసుకున్న అమెజాన్ ప్రైమ్. ఓటీటీలో విడుదల చేయడానికి కూడా రెడీ అయ్యింది. సినిమా విడుదలైన నాలుగు వారాల తర్వాతే ఓటీటీలో రిలీజ్ అవ్వాలని ముందుగానే ఒప్పందం చేసుకున్నట్లు తెలిసింది. దీని ప్రకారం ఏప్రిల్ 11 తర్వాత ఇది ఆన్లైన్లో స్ట్రీమింగ్ అవ్వాలి. కానీ ఏప్రిల్ 2న ఉగాది పండగ ఉన్నందున అదే రోజు మధ్యాహ్నం 12 గంటల నుంచి అందుబాటులోకి రానున్నట్లు తెలిసింది.