సంక్రాంతికి ‘క్రాక్’ ఎత్తిపోతానంటున్న మాస్ మహారాజ్..

Posted: 11/12/2020 03:08 PM IST

Ravi teja and shruti haasan starrer kracks latest poster is all things love

సంక్రాంతి పండుగ దక్షిణాది రాష్ట్రాలలో వెరీ స్పెషల్. తమిళనాడులో పొంగల్ ఇలా పేర్లు మారినా సంక్రాంతి అంటేనే పంట ఇంటికి చేరిన పండగ. మన సంస్కృతిలో భాగమైన పల్లెధనానికి, ప్రకృతికి, మనిషి జీవన విదానానికి ముడివేసిన పండుగ. ఇక తెలుగు వారికే సంక్రాంతి పేరు చెబితేనే ఆడపడచులు రంగవళ్లులు, గోబ్బమ్మలు, హరిదాసు కీర్తనలు, గంగిరెద్దుల ఆటలు, కోడి పందాలు, సరదా సవాళ్లు ఇలా పండగ మూడు రోజులే అయినా వారం రోజుల వరకు తమను ఎవరూ డిస్టర్బ్ చేయకూడదనే పందేరాయుళ్లు ముందుగానే నిర్ణయించుకుంటారు. ఇక ఈ సంబరాల్లో భాగంగా సాయంకాలలు కుటుంబాలు సినిమా థియేటర్లకు వెళ్లడం.. సంక్రాంతికి కొత్త సినిమాలు రావడం కూడా పరిపాటిగా మారింది.

దీంతో సంక్రాంతి అంటేనే ఏడాది ప్రారంభంలోనే మంచి బూస్ట్ ఇచ్చే ఓపెనింగ్స్ ఉంటాయన్న ఉద్దేశంతో మన పెద్ద హీరోలంతా తమ సినిమాలను అప్పుడు రిలీజయ్యేలా ప్లాన్ చేసుకోవడం ఎప్పటి నుంచో జరుగుతోంది. ఇక అదే సంక్రాంతి బరిలోకి మాస్ మహారాజా హీరో రవితేజ కూడా దిగుతున్నాడు. గోపీచంద్ మలినేని దర్శకత్వంలో రవితేజ కథానాయకుడుగా రూపొందుతున్న 'క్రాక్' చిత్రాన్ని సంక్రాంతికి థియేటర్లలో విడుదల చేస్తున్నట్టు ఈ రోజు నిర్మాతలు ప్రకటించారు. చిత్రం షూటింగుకు సంబంధించి ఒక పాట చిత్రీకరణ మినహా అంతా పూర్తయిందని, ప్రస్తుతం పోస్ట్ ప్రొడక్షన్ పనులు కూడా జరుగుతున్నాయనీ పేర్కొన్నారు. శ్రుతి హాసన్ కథానాయికగా నటించిన ఈ చిత్రంలో వరలక్షీ శరత్ కుమార్ కీలక పాత్ర పోషించింది.