‘ఎంత మంచివాడవురా’ ప్రి-రిలీజ్ ఈవెంట్ ఫిక్స్.!

Posted: 12/30/2019 10:04 PM IST

Kalyan ram s entha manchivadavuraa pre release fixed

విభిన్నమైన కథలకు ప్రాధాన్యతనిచ్చే నందమూరి కల్యాణ్ రామ్, ఎవరితో పోటీ లేకుండా తన చిత్రాలను తాను చేస్తూ ముందుకు సాగుతున్నాడు. అయితే ఇది అతని గతంలో స్టైయిల్. ఇక తాజాగా ఈ సంక్రాంతి నుంచి కథలో దమ్ముంటే హిట్టు దానంతట అదే నడుచుకుంటూ వస్తుందని.. ఇక తాను రేసులో వున్నానంటున్నాడు. మెహ్రీన్ కథానాయికగా నటించిన ఈ సినిమా, ప్రీ రిలీజ్ ఈవెంట్ కి ముహూర్తాన్ని ఖరారు చేసుకుంది. ఈ సినిమా ప్రీ రిలీజ్ ఈవెంట్ ను జనవరి 8వ తేదీన హైదరాబాదులో జరపాలని దర్శక నిర్మాతలు నిర్ణయించారు.

ఈ వేడుకకి బాలకృష్ణ - ఎన్టీఆర్ ముఖ్య అతిథులుగా రానున్నట్టు సమాచారం. ఒకే వేదికపై ముగ్గురు నందమూరి హీరోలను చూసే అవకాశం లభించడం పట్ల నందమూరి అభిమానులు ఆనందాన్ని వ్యక్తం చేస్తున్నారు. ఉమేశ్ గుప్తా .. సుభాశ్ గుప్తా నిర్మించిన ఈ సినిమాకి గోపీసుందర్ సంగీతాన్ని అందించాడు. సంక్రాంతి పండుగ సందర్భాన్ని పురస్కరించుకుని జనవరి 15వ తేదీన ఈ సినిమాను విడుదల చేయనున్నారు. ఈ చిత్రంలో శరత్ బాబు, సుహాసిని, తనికెళ్ల భరణి, వెన్నెల కిశోర్, రాజీవ్ కనకాల తదితరులు నటించారు.