‘‘అందులో మగవాళ్లను, ఇందులో ఆడవాళ్లను జనాలు నమ్మరు’’

Posted: 06/03/2019 09:35 PM IST

Vajra kavachadhara govinda trailer commercial elements galore

సప్తగిరి ఎక్స్‌ప్రెస్, సప్తగిరి ఎల్ఎల్‌బీ సినిమాల తర్వాత మరో మంచి కథా చిత్రంతో సప్తగిరి ప్రేక్షకుల ముందుకు వస్తున్నారు. శివ శివమ్ ఫిలిమ్స్ పతాకంపై అరుణ్ పవార్ దర్శకత్వంలో నరేంద్ర యెడల, జీవీఎన్ రెడ్డి నిర్మాతలుగా సప్తగిరి హీరోగా రూపోందిన చిత్రం ‘వజ్రకవచధర గోవిందా’ ఈ నెల 14న రిలీజ్ కు సిద్ధమవుతున్నది. ఈ సినిమా రిలీజ్‌కు ముందు ప్రమోషన్ కార్యక్రమాల్లో భాగంగా ట్రైలర్‌ను రిలీజ్ చేశారు. వైభవి జోషి హీరోయిన్ గా నటిస్తున్న ఈ చిత్రం ట్రైలర్ లో మాత్రం సప్తగిరి మార్క్ కామెడీ కనిపించింది.

ఇక సప్తగిరితో పాటుగా జబర్థస్ టీమ్ లో వెలుగువెలిగిన నటులు కూడా ఇందులో మెరువనున్నారు. గెటప్ శ్రీను, వేణు, అవినాష్ సహా పలువురు కమేడియన్లు ఆకట్టుకున్నారు. ఇక ‘‘జనం భయంలో దయ్యాన్ని, పూనకంలో దేవుడ్ని చూస్తారు. నీవు వేసే వేషం కూడా ప్రజల్ని నమ్మించాలి’’ 'ఇదే లాస్ట్ సిగరెట్ .. ఇదే లాస్ట్ పెగ్గు అనే మగాడి మాట, ఇదే లాస్ట్ షాపింగ్ అనే ఆడవాళ్ల మాట జనాలు నమ్మినట్టుగా చరిత్రలో లేదు' వంటి డైలాగ్స్ ఆసక్తికరంగా ఉన్నాయి.

వజ్రాలు, రత్నాల వేట కోసం సప్తగిరి, అతని టీమ్ ప్రయత్నాలు చేసినట్టు కొన్ని సీన్లు కనిపించాయి. గుహల్లో చిత్రీకరించిన సీన్లు బాగున్నాయి. అన్ని రకాల ఎమోషన్స్‌ను సినిమాలో జొప్పించినట్టు ట్రైలర్‌ ఓ ఫీలింగ్ కలిగిస్తున్నది. ట్రైలర్లోని విజువల్స్‌లో క్వాలిటీ కనిపించింది. హ్యాస్యానికి పెద్ద పీట వేస్తూనే ఎమోషనల్ సీన్లకు అత్యంత ప్రాధాన్యత ఇచ్చినట్టు ఫీలింగ్ కలిగింది. ట్రైలర్ మాత్రం పలు వేరియేషన్స్ తో వున్న విజువల్స్ కట్ చేసిన చిత్ర యూనిట్ చిత్రాన్ని ఏ విధంగా మలిచిందో వేచి చూడాల్సిందే.