ఆసుపత్రిలో స్నేహా ఉల్లాల్.. అసలేమైందీ.?

Posted: 06/03/2019 07:54 PM IST

Actress sneha ullal hospitalised due to high fever

తెలుగులో పలు చిత్రాల్లో హీరోయిన్ గా మెరిసి ఆ తరువాత క్యారెక్టర్ అర్టిస్టుగా కూడా మెప్పించి.. ఇక్కడ తనకు బ్రేక్ రావడం లేదని ఏకంగా బాలీవుడ్ కు బిచానా సర్దేసిన నటి స్నేహా ఉల్లాల్ గుర్తుందా. అమె ప్రస్తుతం అరుదైన వ్యాధితో బాధపడుతోంది. అయితే ఈ వ్యాధికి ఇప్పటికే పలుమార్లు చికిత్స చేయించుకున్నా అది తగ్గినట్టే తగ్గి మళ్లీ దాడి చేస్తోందట. దీంతో ప్రస్తుతం అమె ఆసుపత్రిలో అడ్మిట్ అయ్యి చికిత్స పోందుతున్నారు. ఇంతకీ అమెకు వచ్చిన వ్యాధి ఏంటనేగా..?

స్నేహా ఉల్లాల్ ఆటో ఇమ్యూన్ డిజార్డర్ తో బాధపడుతున్నట్టు గతంలోనే గుర్తించారు. విపరీతమైన జ్వరంతో బాధపడుతున్న ఆమెను కుటుంబసభ్యులు ఆసుపత్రిలో చేర్చారు. ప్రస్తుతం స్నేహా ఉల్లాల్ కోలుకుంటోంది. ఆటో ఇమ్యూన్ డిజార్డర్ శరీర వ్యాధి నిరోధక శక్తికి సంబంధించిన సమస్య. ఎన్నిసార్లు చికిత్స తీసుకున్నా ఫలితం ఉండడంలేదని స్నేహా ఉల్లాల్ వాపోయింది. ఆసుపత్రి బెడ్ పై పడుకుని ఉండాలంటే విసుగొస్తోందని, అయితే, నెట్ ఫ్లిక్స్, కొందరు శ్రేయోభిలాషులు ప్రతిక్షణం వెంట ఉండడంతో నెట్టుకొస్తున్నానని తెలిపింది.

ఈ మేరకు ఇన్ స్టాగ్రామ్ లో ఆసుపత్రి బెడ్ పై తాను పడుకున్న ఫొటోలను అమ్మడు పోస్ట్ చేసింది. స్నేహా ఉల్లాల్ తెలుగులో ఉల్లాసంగా ఉత్సాహంగా సినిమాతో గుర్తింపు తెచ్చుకుంది. ఆ తర్వాత నందమూరి బాలకృష్ణతో సింహా వంటి బ్లాక్ బస్టర్ మూవీలో నటించింది. అనంతరం కొన్ని తెలుగు సినిమాల్లో చేసినా అవేవీ విజయవంతం కాలేదు. దాంతో ముంబయి మకాం మార్చింది. ఆమె చివరిగా 2014లో 'అంతా నీ మాయలోనే' చిత్రంలో నటించింది.