‘‘అరవింద సమేత వీర రాఘవ’’ సెట్లో సెల్ ఫోన్లు బ్యాన్

Posted: 07/24/2018 07:05 PM IST

ఎన్టీఆర్ నటిస్తున్న ‘అరవింద సమేత’ సినిమాకి సంబంధించిన లీక్స్‌ను అడ్డుకునేందుకు చిత్ర యూనిట్ కఠిన నిర్ణయం తీసుకుంది. ఇటీవల సినిమాలోని కీలక సన్నివేశాలు చిత్రీకరిస్తుండగా.. ఆ సమయంలో తీసిన కొన్ని ఫొటోలు సోషల్ మీడియాలో ప్రత్యక్షమయ్యాయి. అప్పటి నుంచి చిత్ర యూనిట్ అప్రమత్తంగా ఉన్నా.. తాజాగా ఎన్టీఆర్, నాగబాబు మధ్య ఎమోషనల్ సీన్‌కి సంబంధించిన ఫొటో ఒకటి బయటికి రావడంతో.. డైరెక్టర్ త్రివిక్రమ్ చిర్రెత్తిపోయాడట.

గతంలోనూ త్రివిక్రమ్ దర్శకత్వంలో వచ్చిన ‘అత్తారింటికి దారేది’ సినిమా సగానికిపైగా ఇంటర్నెట్‌లో లీకైంది. దీంతో.. మరోసారి అలాంటి ప్రమాదం జరగకుండా ఈ దర్శకుడు మొబైల్ ఫోన్స్‌ని ఎవరూ సెట్స్‌లో వాడొద్దని ఆదేశించాడు. ప్రొడక్షన్ సభ్యులైన సరే.. మొబైల్ ఫోన్స్‌ని వినియోగించాలంటే.. సెట్‌కి దూరంగా వెళ్లాలని త్రివిక్రమ్ గట్టిగా చెప్పినట్లు వార్తలు వస్తున్నాయి. ఈ మాటల మాంత్రికుడి ఆదేశాలకి నిర్మాత రాధాకృష్ణ‌ కూడా మద్దతుగా నిలిచినట్లు తెలుస్తోంది.